05.08.2026 | 20:49
Ադրբեջանն արգելել է 16 տարեկանից փոքր երեխաներին գրանցվել սոցցանցերում
ՀՀ շուկայի վերահսկողության տեսչական մարմնի կառավարման խորհուրդը երկարաձգել է 4 անդամի պաշտոնավարման ժամկետները
Տնտեսություն
10.10.2024 | 12:21
Հոկտեմբերի 9-ին ՀՀ էկոնոմիկայի նախարար Գևորգ Պապոյանի նախագահությամբ կայացել է ՀՀ շուկայի վերահսկողության տեսչական մարմնի կառավարման խորհրդի հերթական նիստը․ տեղեկացնում են գերատեսչությունից։
Օրակարգում ընդգրկված էին տեսչական մարմնի ընթացիկ և առաջիկա գործունեությանն առնչվող հարցեր, որոնց վերաբերյալ զեկուցել և տեղեկատվություն է ներկայացրել տեսչական մարմնի ղեկավար Արմեն Կոտոլյանը:
Կառավարման խորհուրդը հաստատել է տեսչական մարմնի 2024 թվականի 1-ին և 2-րդ եռամսյակների կատարողականի գնահատման վերաբերյալ հաշվետվությունները, ինչպես նաև դրական դիրքորոշում հայտնել կառավարման խորհրդի չորս անդամի պաշտոնավարման ժամկետների երկարաձգմանը:
