30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վերականգնվում են իշխան Չեսար Օրբելյանի պալատից հայտնաբերված գտածոները
Մշակույթ
10.10.2024 | 11:12
Հողի հաստ շերտի տակից մեզ հասած հնագիտական առարկաները նոր շունչ են ստանում․ տեղեկացնում են «Պատմամշակութային արգելոց-թանգարանների
և պատմական միջավայրի պահպանության ծառայություն» ՊՈԱԿ-ից։
13-14 դդ․ թվագրվող այս սափորը և բազում հնագիտական առարկաներ հայտնաբերվել են 2024 թ․ Վայոց ձորի մարզի Հորս գյուղի իշխան Չեսար Օրբելյանի պալատի և եկեղեցու պեղումների արդյունքում։
Ավետիս Գրիգորյան/պ․գ․թ արշավախմբի ղեկավար/
Իշխան Չեսար Օրբելյանի պալատի և եկեղեցու պեղումներով հայտնաբերվել 13-15-րդ դդ․ թվագրվող խեցեղեն, մետաղյա իրեր։ Հավաքածուում կան ամբողջական և բեկորային կարմրափայլ, դրոշմազարդ, տարատեսակ զարդանախշ հասարակ անոթներ, միագույն և բազմագույն ջնարակած անոթների բեկորներ, հախճապակու բեկորներ, կավե, ջնարակապատ և քարե ձիթաճրագներ։
«Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի Թանգարանային առարկաների վերականգնման լաբորատորիայում մասնագետները առանձնացնում, մաքրում ամրակայում ու վերականգնում են հայտնաբերված խեցեղենը։
Աստղիկ Սիմոնյան վերականգնող մասնագետ
Այժմ փորձում եմ ամբողջացնել 13-14 դդ․ թվագրվող այս կճուճը, որոշ բացակա հատվածներ ևս լրացնելու եմ և այն պատրաստ է։
Խեցեղենի մի մասը արդեն մաքրվել, վերականգվել է, մյուսները սպասում են իրենց հերթին, որից հետո մաքրվելու են պեղումներից հայտնաբերված մետաղյա առարկաները։
