18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Ադրբեջանի ԶՈՒ ղեկավար կազմում պաշտոնանկություններ ու վերադասավորումներ են
Քաղաքականություն
08.10.2024 | 18:41
Ադրբեջանի Զինված ուժերի ղեկավար կազմում պաշտոնանկություններ ու վերադասավորումներ են։ Մասնավորապես, գեներալ-լեյտենանտ Նամիգ Իսլամզադեն նախօրեին պաշտոնապես նշանակվել է պաշտպանության փոխնախարար, ռազմաօդային ուժերի հրամանատար։ Համապատասխան հրամանագիրը ստորագրել է Ադրբեջանի նախագահ Իլհամ Ալիևը։
Այս տարվա մայիսի 11-ին ռազմաօդային ուժերի հրամանատար գեներալ-լեյտենանտ Ռամիզ Թահիրովն ազատվել էր պաշտոնից՝ զինվորական ծառայության տարիքային շեմը լրանալու պատճառով։ Պաշտոնակատար էր նշանակվել Նամիգ Իսլամզադեն։
Ադրբեջանական լրատվամիջոցները հայտնում են նաև Ադրբեջանի ԶՈՒ բանակային երկու կորպուսների հրամանատարների պաշտոնանկության մասին։ Գեներալ-մայոր Մունասիբ Բաբաևն ազատվել է 4-րդ բանակային կորպուսի (Բաքու) հրամանատարի պաշտոնից, 3-րդ բանակային կորպուսի (Շամքիր) հրամանատարի պաշտոնից էլ ազատվել է գնդապետ Օրուջ Աբդուլլաևը։
Ավելի վաղ հայտնել էինք, որ Ադրբեջանի ԶՈւ երկրորդ բանակային կորպուսի հրամանատար, գեներալ-լեյտենանտ Մայիս Բարխուդարովն ազատվել է աշխատանքից։
Ադրբեջանի զինված ուժերի բոլոր բանակային կորպուսները ցամաքային զորքերի մաս են կազմում։ Հրամանատարների հեռացման պատճառների մասին պաշտոնական տեղեկություն չկա, սակայն ադրբեջանական լրատվամիջոցների աղբյուրները նշում են, որ կադրային փոփոխություններն իրականացվում են պաշտպանության փոխնախարար, ցամաքային զորքերի հրամանատար Հիքմեթ Միրզոևի առաջարկով, որն այս պաշտոնում նշանակվել է այս տարի հունվարին։ Ավելի վաղ նա Ադրբեջանի ԶՈՒ հատուկ նշանակության ուժերի հրամանատարի պաշտոնն էր զբաղեցնում։
Թարգմանությունը՝ Էմմա Չոբանյանի
