Վարչապետն իր վրա է վերցնում պատասխանատվությունը ձերբակալումների համար, որի իրավունքը Սահմանադրությամբ ընդհանրապես չունի. Ռոբերտ Քոչարյան

Հանրապետության 2-րդ նախագահ ռոբերտ Քոչարյանը հարցազրույց է տվել Yerevan.Today կայքին, որի ընթացքում անդրադարձել է ԱԱԾ տնօրենի և ՀՔԾ պետի գաղտնալսված հեռախոսազրույցի հրապարակմանը։ 

Ռոբերտ Քոչարյանը նշեց, որ ցանկանում է առանձնացնել հարցազրույցի բովանդակությունը՝ մի կողմ թողնելով համացանցում հրապարակվելու փաստը․

«Բովանդակությունը միանշանակ ապացուցում է, որ կատարվել է հանցագործություն, եղել է ճնշում դատավորների վրա, և մեր բոլոր հայտարարությունները ապացուցվեցին այդ հեռախոսազրույցուվ։ Ակնհայտ է մի բան, որ այս գործը քաղաքական է, սա քաղաքական հետապնդում է, որը կապ չունի «Մարտի 1-ի» բացահայտման հետ և ունի միակ նպատակ, ոնց որ իրենք են ասում՝ ինձ փակել: Սա է այդ գործի էությունը, և ակնհայտ է ևս մի բան, որ որևէ, ընդհանրապես որևէ վստահություն չի լինելու այն քրեական գործերի նկատմամաբ, որոնք քննվում են կամ վերահսկվում են այդ մարդկանց կողմից»,-ասաց ՀՀ երկրորդ նախագահը՝ նշելով, որ նման սկանադլից հետո այդ մարդիկ պետք է տային հրաժարական  և  ներողություն խնդրեին և ժողովրդից և անձամբ իրենից։

Ռոբերտ Քոչարյանը նշեց, որ ամենից զարմանալին իր համար Նիկոլ Փաշինյանի այն հայտարարությունն է, այն մասին, որ ինքը պատասխանատու է քաղաքական հնչեղություն ունեցող բոլոր ձերբակալումների համար:

«Հիմա ես պետք է շնորհավորեմ Հայատանի ժողովրդին, որ մենք ստացանք նոր բռնապետ: Արդյո՞ք սա էր այդ հեղափոխության նպատակը, ես մեծ կասկածներ ունեմ: Եվ մեր ժողովուրդը պետք է հասկանա, որ կատարվածի հետևանքները չափազանց ծանր են նստելու Հայաստանի համար: Վարչապետն իր վրա է վերցնում պատասխանատվությունը ձերբակալումների համար, որի իրավունքը Սահմանադրությամբ ընդհանրապես չունի, մոտ գալու իրավունք չունի: Ինքը դրանով ոչ միայն կոպիտ ձևով խախտում է Սահմանադրությունը, խախտվում են մի շարք օրենքներ: Այ սա է սահմանադրական կարգի տապալումը»,-ասաց Ռոբերտ Քոչարյանը։