14.02.2026 | 18:29
Բոլորին հետաքրքիր է՝ ինչ տեսք կունենա Երևանի և Բաքվի միջև խաղաղությունը. ադրբեջանցի փորձագետ. ՏԵՍԱՆՅՈՒԹ
Պատերազմ լինելու է, Ալիևը հարձակվողական զենքեր է գնում՝ միլիարդները շքերթի համար չի ծախսում․ Արա Պապյան․ ՏԵՍԱՆՅՈՒԹ
Քաղաքականություն
07.10.2024 | 20:30
Ադրբեջանը Հայաստանին կոչ է անում ընտրություն կատարել հարաբերությունների կարգավորման գործընթացի և բոլոր մակարդակներում առճակատման միջև։ Բաքվի ԱԳՆ-ն պահանջում է փոխել երկրի սահմանադրության և այլ օրենսդրական ակտերի դրույթները, որոնք «տարածքային պահանջներ են պարունակում Ադրբեջանի նկատմամբ»։
Եվ սա Բաքուն ասում է այն բանից հետո, երբ ՀՀ ՍԴ-ն սահմանադրական ճանաչեց սահմանազատման կանոնակարգը, ինչպես նաև՝ ըստ էության որոշեց, որ Անկախության հռչակագրի՝ Սահմանադրության մեջ չներառված դրույթները չունեն իրավական ուժ։ Ինչո՞ւ է Բաքուն շարունակում այս պահանջը՝ չնայած ՍԴ որոշմանը։
ԱԺԲ խորհրդի անդամ, դիվանագետ Արա Պապյանը Factor TV-ի հետ զրույցում ասում է, որ Ադրբեջանի կողմից մեղադրանքը տարածքային պահանջների մասին զուտ պատրվակ է․ «Բուն նպատակն այն է, որ Ադրբեջանը չի ուզում ստորագրել որևէ փաստաթուղթ, որը քիչ թե շատ իրեն կպարտադրի ավելի զուսպ և խաղաղ լինել։ Ադրբեջանի նպատակն է հայոց պետականության վերացումը»։
Արա Պապյանի գնահատմամբ՝ սխալ էր Նիկոլ Փաշինյանի կառավարության այն մոտեցումը, որ եթե Արցախի հարցը չլինի ՀՀ-Ադրբեջան հարաբերություններում, ապա թշնամանք չի լինի․ «Մենք տեսանք, որ առայժմ չկա Արցախ, բայց Ադրբեջանը պայմանագիր չի կնքում՝ կոնֆլիկտը պահպանում է։ Սահմանադրությունը փոխելու պահանջից զատ Ալիևը ևս մեկ պահանջ ունի, դա Ադրբեջանի դեմ կռված ՀՀ քաղաքացիների դատապարտումն ու պատժումն է։ Ես վստահ եմ, եթե ՀՀ իշխանությունը այս աներևակայելի պահանջն էլ իրականացնի նույնիսկ, պահանջներն անվերջ են լինելու։ Քանի որ Ադրբեջանը չունի խաղաղություն հաստատելու ցանկություն, անընդհատ պատճառներ է գտնում»,- ասաց Արա Պապյանը։ Ըստ նրա՝ Ադրբեջանը պատերազմի է պատրաստվում, ինչի վկայությունն են զենքի միլիարդավոր գնումները, որոնք Հայաստանի դեմ են օգտագործվելու։
Հարցազրույցն ամբողջությամբ՝ տեսանյութում։
