03.08.2026 | 20:47
Վաղը Նորքի 9-րդ զանգվածի որոշ հասցեներում գազանջատումներ կլինեն
Գևորգ Պապոյանն ընդունել է Համաշխարհային բանկի տարածաշրջանային տնօրենի գլխավորած պատվիրակությանը
Տնտեսություն
07.10.2024 | 16:47
ՀՀ էկոնոմիկայի նախարար Գևորգ Պապոյանը հոկտեմբերի 7-ին ընդունել է Համաշխարհային բանկի տարածաշրջանային տնօրեն Ռոլանդ Փրայսի գլխավորած պատվիրակությանը։ Հանդիպմանը ներկա են եղել նաև Համաշխարհային բանկի հայաստանյան գրասենյակի ղեկավար Կարոլին Գեգինատը, նախարարի տեղակալներ Արման Խոջոյանը և Սևակ Միքայելյանը․ տեղեկացնում են գերատեսչությունից։
Հանդիպման ընթացքում կողմերը քննարկել են համատեղ իրականացվող աշխատանքները տնտեսության տարբեր ուղղություններով, այդ թվում՝ գյուղատնտեսության և զբոսաշրջության ոլորտներում։
Առանձին անդրադարձ է կատարվել Հայաստանի տնտեսական աճին միտված նախարարության դիրքորոշումներին, ինչպես նաև ՀՀ կառավարության հետ շարունակական համագործակցության ուղղություններին:
Կողմերը բարձր են գնահատել ձևավորված համագործակցությունը և պատրաստակամություն հայտնել շարունակել համատեղ աշխատանքները նշված ուղղություններով։
