07.10.2026 | 23:48
Արթուր Դանիելյանը կալանավորվեց
Ադրբեջանում գտնվելու ժամանակ Դուրովն այցելել է Լեռնային Ղարաբաղ
07.10.2024 | 16:26
Telegram-ի հիմնադիր Պավել Դուրովը, որն այս տարի օգոստոսին այցով Ադրբեջանում էր, եղել է նաև էթնիկ զտման ենթարկված Արցախում։ Այս մասին հայտարարել է Ադրբեջանի նախագահ Իլհամ Ալիևի նախկին փեսա, երգիչ Էմին Աղալարովը Քսենիա Սոբչակին «Осторожно: Собчак» ծրագրի շրջանակում տված հարցազրույցում։
«Գիտեմ, որ նա եղել է շրջաններում։ Եղել է Ղարաբաղում։ Այսինքն՝ նա շրջել է ամենուր, տեսել է ամբողջ երկիրը։ Եվ մի քանի օր մնացել է See Breeze-ում (պատկանում է Աղալարովին)»,- ասել է Աղալարովը՝ անդրադառնալով Ադրբեջան Դուրովի այցին։
Պատասխանելով Սոբչակի հարցին՝ արդյո՞ք Ադրբեջանի նախագահ Իլհամ Ալիևն ընդունել է Պավել Դուրովին, նա ասել է, որ հավաստի տեղեկություն չունի այդ մասին։ Իսկ դիտարկմանը, որ Դուրովի այցը Բաքու բոլորը կապում էին ՌԴ նախագահ Վլադիմիր Պուտինի Ադրբեջան այցի հետ, Աղալարովն ասել է, որ իր կարծիքով՝ դա պատահակություն էր։
Հիշեցնենք, որ օգոստոսի 17-ին ադրբեջանական լրատվամիջոցները տեղեկություններ էին տարածել, որ Telegram-ի հիմնադիր Պավել Դուրովը մեկնել է Ադրբեջանի մայրաքաղաք։ Բաքվից Փարիզ ուղևորվելիս էլ օգոստոսի 24-ին Դուրովը ձերբակալվել էր ֆրանսիական Լե Բուրժե օդանավակայակում։
Թարգմանությունը՝ Էմմա Չոբանյանի
