23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Բաքուն վանդալիզմի է ենթարկել Շուշիի Սուրբ Ամենափրկիչ եկեղեցին
07.10.2024 | 13:14
Ադրբեջանի իշխանությունները կամայական «ռեստավրացիայի» են ենթարկել հայաթափված Շուշիի Սուրբ Ամենափրկիչ (Ղազանչեցոց) եկեղեցին: Ադրբեջանական լրատվամիջոցները եկեղեցու «ռեստավրացիայից» տեսանյութ են տարածում, որում երևում է, որ հայկական եկեղեցին ենթարկվել է ճարտարապետական կամայական փոփոխությունների, հեռացվել են նաև խաչերը։
Հիշեցնենք, որ Արցախյան 44-օրյա պատերազմի ընթացքում՝ հոկտեմբերի 8-ին, եկեղեցին երկու անգամ թիրախային հրթիռակոծության է ենթարկվել ադրբեջանական զինված ուժերի կողմից։ Միջազգային Human Rights Watch իրավապաշտպան կազմակերպությունը նույնիսկ զեկույց էր հրապարակել Սուրբ Ամենափրկիչի հրթիռակոծության մասին՝ այն որակելով «պատերազմական հանցագործություն»։
Պատերազմից հետո Բաքուն սկսել էր եկեղեցու «ռեստավրացիան», որն իրականացվում էր կամայական ու տարօրինակ կերպով՝ առանց հայկական կողմի և միջազգային որևէ կառույցի համաձայնության ու մասնակցության։
Բացի այդ, Բաքուն ակտիվ քարոզչական արշավ է սկսել՝ եկեղեցին ոչ հայկական ներկայացնելու համար։ Ադրբեջանական կողմն այն փորձում է ներկայացնել նաև որպես ռուսական ուղղափառ եկեղեցի։
Էմմա Չոբանյան
