21.01.2026 | 23:30
Ինչ իրավիճակ է Հայաստանի ճանապարհներին և Լարսում
ՀՀ վարչապետ Նիկոլ Փաշինյանը կմեկնի Ֆրանսիա, ապա ԱՄՆ. ՀՀ ԱԳՆ
Քաղաքականություն
12.09.2018 | 15:47
ՀՀ ԱԳՆ խոսնակ Տիգրան Բալայանը այսօր տեղի ունեցած ճեպազրույցին տեղեկացրեց, որ սեպտեմբերի վերջին ատգործնախարար Զոհրաբ Մնացականյանը Նյու Յորքում կմասնակցի ՄԱԿ-ի Գլխավոր ասամբլեայի 73-րդ նստաշրջանին: Այդ այցելության ընթացքում նախատեսվում են տարբեր հանդիպումներ մի շարք գործընկերների և միջազգային կազմակերպությունների ղեկավարների հետ:
Լրագրողի հարցին՝ վարչապետը ՄԱԿ-ի Գլխավոր ասամբլեային մասնակցելու՞ է, պատասխանեց. «Այո՛, նախատեսվում է նաև վարչապետի այցելություն Նյու-Յորք, մասնակցություն ՄԱԿ-ի Գլխավոր ասամբլեայի նստաշրջանին, նաև նրա ելույթը ՄԱԿ-ի Գլխավոր ասամբլեայի նստաշրջանին, այդ բարձր մակարդակով քննարկումներին: Նաև նախատեսված են երկկողմ հանդիպումներ, որոնց մասին հավելյալ կտեղեկացնենք»:
Մինչ այդ ՀՀ արտաքին քաղաքական գերատեսչության խոսնակը տեղելացրել էր, որ սեպտեմբերի 14-15-ին ՀՀ վարչապետ Նիկոլ Փաշինյանը աշխատանքային այցով կմեկնի Ֆրանսիա, ուր հանդիպում է նախատեսված երկրի ղեկավարի ու հայ համայնքի հետ:
