22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Ենթադրվում է՝ մահացել է Հըզբոլլահի նոր ղեկավար Հաշեմ Սաֆիեդինը՝ Իսրայելի հարվածի հետևանքով․ Reuters
Քաղաքականություն
05.10.2024 | 15:55
Իսրայելի օդային հարվածները Բեյրութի հարավային արվարձանների վրա ուրբաթ օրվանից թույլ չեն տվել փրկարարներին որոնել իսրայելական հարվածի վայրը։ Ենթադրվում է, որ սպանվել է Հըզբոլլահի նոր առաջնորդ Հաշեմ Սաֆիեդինը․ Reuters-ին հայտնել են լիբանանյան անվտանգության երեք աղբյուրներ:
Աղբյուրներից մեկն ասել է, որ Սաֆիեդինը անհասանելի է եղել ուրբաթ օրը տեղի ունեցած հարձակումից հետո:
Հիշեցնենք, որ սեպտեմբրի վերջերին Իսրայելի պաշտպանության բանակը հայտարարել էր, որ Բեյրութի ուղղությամբ ավիահարվածների արդյունքում սպանվել է Հըզբոլլահ խմբավորման առաջնորդ Հասան Նասրալլահին:
Իսրայելի պաշտպանության բանակը հայտարարել էր, որ ճշգրիտ ավիահարվածը տեղի է ունեցել այն ժամանակ, երբ Հըզբոլլահի ղեկավարությունը հավաքված է եղել Բեյրութի հարավում Դահիե արվարձանում գտնվող շտաբում:
Ապա, արաբական ԶԼՄ-ների հաղորդմամբ, Հըզբոլլահի նոր ղեկավար ընտրվեց Հաշեմ Սաֆիեդինը, որը Հասան Նասրալլայի զարմիկն է մայրական կողմից և Իսլամական հեղափոխության պահապանների կորպուսի ստորաբաժանումներից մեկի նախկին հրամանատար Ղասեմ Սոլեյմանի փեսան։
