Հայ ինժեներական ներուժը կարող է մեծ փոփոխություններ բերել համաշխարհային ասպարեզում, Երևանում մեկնարկել է WCIT 2024 եռօրյա կոնգրեսը

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

Նորարարությունների և տեխնոլոգիաների համաշխարհային կոնգրեսը (WCIT 2024) չափազանց կարևոր միջազգային հարթակ է լինելու նորանոր բացահայտումների համար:

«Արմենպրես»-ի հաղորդմամբ՝ այդ կարծիքը Կարեն Դեմիրճյանի անվան մարզահամերգային համալիրի մեդիա զոնայում տեղի ունեցած ասուլիսի ժամանակ հայտնեց ՀՀ բարձր տեխնոլոգիական արդյունաբերության նախարար Մխիթար Հայրապետյանը՝ շեշտելով, որ վերջին հինգ տարվա ընթացքում Հայաստանը երկրորդ անգամ է հյուրընկալում նորարարությունների և տեխնոլոգիաների համաշխարհային կոնգրեսը, ինչը գալիս է ևս մեկ անգամ ընդգծելու ՀՀ-ի հավակնությունները՝ դառնալու տարածաշրջանային տեխնոլոգիական կարևորագույն հաբ-կենտրոն:

«Վերջին ամիսների ընթացքում Առաջատար տեխնոլոգիաների ձեռնարկությունների միության մեր գործընկերները` Հայկ Կարապետյանի գլխավորությամբ, ինչպես նաև պետական տարբեր գերատեսչությունների ներկայացուցիչներ համատեղ մեծածավալ աշխատանքի արդյունքում փորձել են երեք օր շարունակ Հայաստանն առաջարկել իբրև կարևորագույն կիզակետ տեխնոլոգիական քարտեզի վրա, և ես առավել քան վստահ եմ, որ այս երեք օրվա ընթացքում մենք ինքներս մեզ համար բացահայտելու ենք արհեստական բանականության կողմից մարդկությանը և առհասարակ տեխնոլոգիական աշխարհին առաջարկվող նոր հնարավորություններ, նոր գործիքակազմեր, որոնք գալիս են փոխելու և հեղափոխելու առհասարակ մեզ բոլորիս, մեր կյանքը, մեր մոլորակը: Առավել քան վստահ եմ, որ կոնգրեսը չափազանց կարևոր միջազգային հարթակ է լինելու նորանոր բացահայտումների համար»,- ասաց Մխիթար Հայրապետյանը:

Նորարարությունների, տեխնոլոգիաների և ծառայությունների համաշխարհային դաշինքի (WITSA) ղեկավար Շան Սիան իր հերթին նշեց, որ 2019 թվականի կոնգրեսի օրերին կրկին հավաքվել էին Երևանում, հետևաբար ունեն բազմաթիվ հաճելի հիշողություններ: Նա տեղեկացրեց, որ WITSA-ն 28-րդ անգամ է կազմակերպում այս կոնգրեսը: Վերջին երկուսն անցկացվել էին ասիական երկրներում:

«Կոնգրեսի օրերին խոսելու ենք ոչ միայն արհեստական բանականության, այլև այն ձեռքբերումների մասին, որոնք ապահովել է մեր կազմակերպությունը: Աշխարհում կան բազմաթիվ երկրներ, որոնք լրջորեն քննարկում են արհեսատական բանականության կիրառելիության հարցը տարբեր ասպարեզներում և նրանց միջև առկա է լուրջ մրցակցություն: Հաճելի է, որ նմանատիպ միջոցառումներն անցնում են կառավարությունների հովանու ներքո, ինչն ավելի արժեքավոր է դարձնում համագործակցությունը թվային հարթակում: Ուրախ կլինենք մեր մրցանակը շնորհել արժանավորներին այս կոնգրեսի շրջանակում: Ընտրելու ենք լավագույններին, աշխատելու ենք լավագույններից լավագույնների հետ: Այս ամբողջ տարվա ընթացքում խոսելու ենք արհեստական բանականության մասին, որպեսզի նաև սկսնակ ընկերությունները ծանոթանան առաջադեմ պրակտիկային: Վերջում հանդես կգանք համապատասխան հրապարակումներով այն մասին, թե ինչպես կարելի է օգտագործել արհեստական բանականությունը հանուն ընդհանուր բարօրության, հանուն ավելի արդյունավետ համակարգերի ստեղծման: Հերթական հրապարակումը պատրաստ կլինի այս եռօրյա կոնգրեսի ավարտին: Դա կլինի յուրատեսակ ուղեցույց նաև այն սկսնակ երկրների համար, որոնք այս ոլորտում կցանկանան մեզ հետ անցնել նույն ճանապարհը»,-ասաց Շան Սիան:

WCIT2024//DigiTec-ի կազմկոմիտեի գործադիր տնօրեն Հայկ Կարապետյանը նշեց, որ եռօրյա համաժողովի առանցքում կլինեն քննարկումներ արհեստական բանականության և տարբեր ճյուղերում դրա կիրառության վերաբերյալ՝ կրթությունից մինչև տիեզերական տեխնոլոգիաներ: Նա հույս հայտնեց, որ այս ամենն իսկապես կլինի հրապուրիչ բոլորի համար:

Առաջատար տեխնոլոգիաների ձեռնարկությունների միության նախագահ Ալեքսանդր Եսայանն էլ ասաց, որ այն, ինչ քննարկվելու է համաժողովի ընթացքում, իսկապես արժեքավոր է, որովհետև հարցը հիմնականում առնչվում է արհեստական բանականությանը:

«2019 թվականին մենք WCIT կոնգրեսն անցկացրեցինք Հայաստանում և հիմա երկրորդ անգամ ենք այն հյուրընկալում Երևանում: Հատուկ շնորհակալություն WITSA-ի տնօրենին, ով սիրահոժար թույլ տվեց համաժողովը ևս մեկ անգամ անցկացնել Հայաստանում: Այս տարի ևս կօգտվենք բացառիկ հնարավորությունից՝ քննարկելու թեմաներ, որոնք վերաբերում են արհեստական բանականության զարգացման միտումներին: Մյուս կողմից մեր տեղի ընկերությունները հնարավորություն կստանան անմիջականորեն մասնակցելու քննարկումներին՝ հաստատելով համագործակցության նոր կապեր և ներկայացնելով գաղափարներ, որոնք կվերածվեն բիզնես ծրագրերի»,-ասաց Ալեքսանդր Եսայանը:

Ասուլիսին ներկա Team Telecom Armenia-ի գլխավոր տնօրեն Հայկ Եսայանը նշեց, որ Հայաստանն այն կետերից է, որը շատ շուտով կլինի IT համայնքի համար համաշխարհային վառվող կետ:

«Շնորհակալ ենք ՀՀ կառավարությանը նման ռազմավարությանն աջակցելու համար: Մեր ընկերությունը, որը համարվում է AI-ի արյունատար ուղիները, պարզապես չէր կարող չմասնակցել նման կարևոր միջոցառմանը և չաջակցել նման համաժողովներին, որոնք ապագայում նույնպես կանցկացվեն Հայաստանում: Նմանօրինակ միջոցառումների շնորհիվ կարողանում ենք բացահայտել մեր երկրի ներուժը և այս տարի կարողացանք համատեղել DigiTec-ը և WCIT-ին: Շատ խորհրդանշական է, որ առաջինի դեպքում մեզ մոտ անցկացվում է 19-րդ, իսկ երկրորդի դեպքում 28-րդ համաժողովը: Այս ամենը ցույց է տալիս, որ լինելու է շարունակականություն և մենք ներուժի առումով դեռ ունենք բացահայտման տեղեր: Մեր ինժեներական ներուժն իրականում կարող է մեծ փոփոխություններ բերել համաշխարհային թրենդում»,-ասաց Team Telecom Armenia-ի գլխավոր տնօրենը:

Ասուլիսից հետո տեղի ունեցավ WCIT2024/DigiTec-ին նվիրված նամականիշի մարման պաշտոնական արարողությունը՝ ՀայՓոստի հետ համագործակցությամբ։