08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Գերմանիայում զգուշացրել են հակասեմականության սպառնալիքի մասին՝ Իսրայելի վրա ՀԱՄԱՍ-ի հարձակման տարելիցին ընդառաջ
Քաղաքականություն
04.10.2024 | 22:44
2023 թվականի հոկտեմբերի 7-ին Իսրայելի վրա ՀԱՄԱՍ-ի զանգվածային հարձակման տարելիցից առաջ Գերմանիայի Սահմանադրության պաշտպանության դաշնային գրասենյակը նախազգուշացրել է պաղեստինցիներին աջակցող բողոքի շարժման արմատականացման սպառնալիքի մասին, այդ թվում՝ Գերմանիայում, գրում է DW-ի ռուսական ծառայությունը։
«Իսրայելի վրա ՀԱՄԱՍ-ի հարձակման տարելիցը կարող է դառնալ լայնածավալ բողոքի պատճառ»,- ասել է գերատեսչության ղեկավար Թոմաս Հալդենվանգը՝ նկատի ունենալով հակամարտության սրացումը Մերձավոր Արևելքում։
Ընթացիկ իրավիճակը նույնիսկ չափավոր դերակատարների համար, հղի է վտանգներով, բևեռացման և արմատականացման մեծ ներուժ ունի, նշել է նա:
«Իսլամիստները հասկացել են, թե ինչպես օգտագործել Մերձավոր Արևելքի ներկայիս ճգնաժամը՝ նոր շունչ հաղորդելու իրենց քարոզչությանը և մոբիլիզացնելու իրենց կողմնակիցներին»,- ասվում է գերմանական հետախուզության ղեկավարի հայտարարության մեջ:
Ըստ Հալդենվանգի՝ «ավելի ու ավելի շատ անչափահասներ են ցանկանում հարձակումներ իրականացնել Գերմանիայի տարածքում ահաբեկչական «Իսլամական պետություն» (ԻՊ) կազմակերպության անունից կամ գոնե ակտիվորեն ծանոթանալ համացանցում հարձակումների սցենարներին», ինչը խիստ մտահոգիչ է։
Թարգմանությունը՝ Տաթև Ֆռանգյանի
