07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Ալիևն ԱՄՆ-ին մեղադրել է «հակադրբեջանական քայլերի» ու պատժամիջոցների համար
Քաղաքականություն
04.10.2024 | 16:29
Ադրբեջանի նախագահ Իլհամ Ալիևը մտահոգված է, որ ԱՄՆ շուրջ 60 կոնգրեսականներ դիմել են պետքարտուղար Էնթոնի Բլինքենին՝ կոչ անելով ճնշում գործադրել Ադրբեջանի վրա՝ ազատ արձակելու հայ գերիներին ու բոլոր քաղբանտարկյալներին։
«Ամերիկյան Կոնգրեսի 60 հայամետ կոնգրեսականներ դիմել են ամերիկյան կառավարությանը՝ Ադրբեջանի դեմ լրացուցիչ պատժամիջոցներ կիրառելու կոչով։ Տգեղ դիմում է, այն մեր կամքի վրա չի կարող ազդել։ Բայց սա ցույց է տալիս, որ մեր դեմ թշնամական քաղաքականությունը չի դադարում։ Ես կասկած անգամ չունեմ, որ այն գրվել է հենց այնտեղ՝ ԱՄՆ Պետքարտուղարությունում։ Այսինքն՝ իրենք իրենց նամակներ են գրում, որ մեզ սպառնան, մեղադրեն»,- հայտարարել է Ալիևը Ջրականում մի խումբ բնակիչների հետ հանդիպմանը։
Նա նշել է, որ ԱՄՆ-ն Ադրբեջանի նկատմամբ պատժամիջոցներ է սահմանել 1992 թվականին, իսկ 2001-ին դրանք հանվել են։
«Պատժամիջոցները հանվեցին, քանի որ սկսվել էր նրանց կողմից Աֆղանստանի օկուպացիան, և նրանք մեր կարիքն ունեին։ Քանի դեռ նրանք մնում էին Աֆղանստանում, այդ պատժամիջոցներն ամեն տարի հանվում էին Ամերիկայի նախագահի կողմից։ Աֆղանստանից հեռանալուց հետո պատժամիջոցները կրկին կիրառվեցին մեր դեմ։ Այս անշնորհակալությունը չափ ունի՞, թե՞ ոչ։ Դրանից հետո ասում են՝ ամրապնդենք մեր բարեկամությունը։ Ի՞նչ բարեկամության մասին կարող ենք խոսել»,- ասել է Ադրբեջանի նախագահը։
Թարգմանությունը՝ Էմմա Չոբանյանի
