09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
ՄԱԿ-ի ԱԽ-ն իր լիակատար աջակցությունն է հայտնել Գուտերեշին՝ Իսրայելի կողմից անցանկալի անձ ճանաչելուց հետո
04.10.2024 | 13:32
ՄԱԿ-ի Անվտանգության խորհուրդն իր լիակատար աջակցությունն է հայտնել կազմակերպության գլխավոր քարտուղար Անտոնիո Գուտերեշին այն բանից հետո, երբ Իսրայելը նրան անցանկալի անձ է հայտարարել, գրում է DW-ի ռուսական ծառայությունը։
«ՄԱԿ-ի գլխավոր քարտուղարի կամ կազմակերպության հետ շփվելուց հրաժարվելու ցանկացած որոշում հակաարդյունավետ է, հատկապես՝ Մերձավոր Արևելքում աճող լարվածության պայմաններում»,- ասվում է Անվտանգության խորհրդի 15 անդամների հայտարարությունում։
Փաստաթղթում նաև ընդգծվում է ՄԱԿ-ի Գլխավոր վեհաժողովի նախագահի հետ բոլոր երկրների կողմից արդյունավետ հարաբերություններ կառուցելու, ինչպես նաև գրասենյակի աշխատանքը խաթարող գործողություններից զերծ մնալու անհրաժեշտությունը: Իսրայելը հայտարարության մեջ չի նշվում։
Հիշեցնենք, որ հոկտեմբերի 2-ին Իսրայելի ԱԳ նախարար Իսրայել Կացը ՄԱԿ-ի գլխավոր քարտուղար Անտոնիո Գուտերեշին հայտարարել էր անցանկալի անձ՝ արգելելով մուտքը երկիր։
Թարգմանությունը՝ Էմմա Չոբանյանի
