05.10.2024 | 22:17
Անցիր փորձությունները և ստացիր բաժնետոմս նվեր. Ամերիաբանկը Դիջիթեքում ներկայացնում է Myinvest հարթակը. ՏԵՍԱՆՅՈՒԹ
Ադրբեջանում ՌԴ դեսպանը հայտարարել է, որ Ղարաբաղը տպավորել է իրեն․ արդեն 4 անգամ այցելել է
03.10.2024 | 15:51
Ռուսաստանը հետաքրքրություն է ցուցաբերում ադրբեջանական գյուղմթերքի ներկրման հետ կապված։ Այս մասին ադրբեջանական լրատվամիջոցներին ասել է Բաքվոում ՌԴ դեսպան Միխայիլ Եվդոկիմովը։
«Մեր տնտեսական հարաբերությունները զարգանում են շատ ակտիվ։ Ներկայում իրականացվում են բազմաթիվ ծրագրեր, այդ թվում՝ համատեղ տրանսպորտային նավաշինություն։ Գիտեք խոշոր նախագծի մասին՝ «Հյուսիս-հարավ» երկաթուղային միջանցքի զարգացման, ինչպես նաև Նախիջևանով Թուրքիա երթուղու։ Վերջերս Բաքու էր այցելել գյուղատնտեսական մեծ պատվիրակություն, քանի որ մենք բարձր ենք գնահատում ադրբեջանական գյուղմթերքը, այդ թվում՝ հայտնի Բաքվի լոլիկը»,- ասել է Եվդոկիմովը։
Ռուս դիվանագետը նաև հայտնել է այս օրերին շինանյութերի խոշոր արտադրողներից կազմված ռուսական պատվիրակության այցի մասին, որը հանդիպումներ կունենա ադրբեջանցի գործընկերների հետ՝ համատեղ նախագծերի քննարկման նպատակով։
Նա նաև պատմել է Արցախ այցերից իր տպավորությունների մասին։ Եվդոկիմովը նշել է, որ արդեն 4 անգամ այցելել է «Ադրբեջանի ազատագրված տարածքներ», այդ թվում՝ Վարանդա ու Բերձոր։ Նա Շուշի է այցելել նաև Ռուսաստանում Ադրբեջանի նախկին դեսպան Փոլադ Բյուլբյուլօղլուի հրավերով։
«Վերջերս այցելեցի Քելբաջարի շրջան, այն մեծ հնարավորություններ ունի բոլորի համար»,- հավելել է ՌԴ դեսպանը։
Թարգմանությունը՝ Էմմա Չոբանյանի
