11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Բաքվում հերթական հակաֆրանսիական միջոցառումն է անցկացվում
Քաղաքականություն
03.10.2024 | 22:54
Բաքվում աշխատանքն է սկսել «Աֆրիկայում ֆրանսիական նեոգաղութատիրության քաղաքականությանը» միջազգային կոնֆերանսը։ Հակաֆրանսիական հերթական հավաքը կազմակերպվել է Բաքվի նախաձեռնող խմբի կողմից։
Տեղական լրատվամիջոցների փոխանցմամբ՝ միջոցառմանը մասնակցում են աֆրիկյան երկրների (Սենեգալ, Բուրկինա Ֆասո, Կամերուն, Գվինեա-Բիսաու, Կոնգոյի Դեմոկրատական Հանրապետություն, Մավրիտանիա, Զիմբաբվե, Նիգեր), ինչպես նաև Մայոտ կղզու ներկայացուցիչները։
Նշենք, որ հակաֆրանսիական պետական արշավի շրջանակում Ադրբեջանի իշխանությունների կողմից 2023 թվականի հուլիսի 6-ին ստեղծվել է Բաքվի նախաձեռնող խումբը, որը Փարիզի դեմ տարբեր միջոցառումներ է անցկացնում։ Այն կազմակերպել է մեկ տասնյակից ավելի միջազգային համաժողովներ, որոնցից մի քանիսը՝ ՄԱԿ-ի կենտրոնակայաններում՝ Նյու Յորքում, Ժնևում և Վիեննայում, մեկը՝ Ստամբուլում, մնացածը՝ Բաքվում։ Ադրբեջանը նաև ֆինանսավորում է Ֆրանսիայի և Կորսիկայի անդրծովյան տարածքների տարբեր ներկայացուցիչներին։
Ֆրանսիայի ներքին գործերի նախարարն ավելի վաղ Բաքվին մեղադրել էր Նոր Կալեդոնիայում տեղի ունեցած անկարգություններին մասնակցության մեջ։
Ապրիլին էլ Ադրբեջանի Միլլի Մեջլիսի և Խաղաղ օվկիանոսում գտնվող ֆրանսիական Նոր Կալեդոնիայի Կոնգրեսի միջև ստորագրվել էր համագործակցության հուշագիր։
Թարգմանությունը՝ Էմմա Չոբանյանի
