06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Կառավարությունը մաքսատուրքից ազատեց Նիկոլ Փաշինյանի խորհրդականի որդու ընկերությանը
Տնտեսություն
03.10.2024 | 11:05
Կառավարությունը չզեկուցվող հարցով մաքսատուրքից ազատեց վարչապետ Նիկոլ Փաշինյանի խորհրդական Արտաշես Թումանյանի որդուն պատկանող պլաստմասսե իրերի՝ տարաների, շշերի արտադրությամբ ու վաճառքով զբաղվող «ՀԻՏԵՔՍ ՊԼԱՍՏԻԿ» ընկերությանը։ Կառավարության ներկայացրած հիմնավորման մեջ չի նշվում, թե որքան գումարի դիմաց է ընկերությունն ազատվում մաքսատուրքից, որը սովորաբար նշված է լինում այլ ընկերությունների արտոնություն կամ մաքսատուրքից ազատելու որոշումների դեպքում։
Կառավարության հիմնավորման մեջ միայն ասվում է, որ արտոնության առկայությունը լուրջ խթան կհանդիսանա նոր ներդրումային ծրագրերի իրականացման և որպես հետևանք նոր աշխատատեղերի ստեղծման, ներդրումների ներգրավման, տեղական արտադրության և արտահանման խթանման համար:
Ըստ իրավաբանական անձանց պետական ռեգիստրի՝ (e-register) ընկերությունում 50 տոկոս մասնաբաժին ունի Սամվել Թումանյանը, նույնքան էլ՝ Լևոն Մելիքսեթյանը։
«ՀԻՏԵՔՍ ՊԼԱՍՏԻԿ»-ի տնօրենը Սամվել Թումանյանն է, իսկ ընկերությունը հիմնադրվել է 2006 թվականին։
Հիշեցնենք, որ վարչապետ Նիկոլ Փաշինյանը Արտաշես Թումանյանին իր խորհրդական էր նշանակել 2021թվականի նոյեմբերի 24-ին։ Ավելի վաղ՝ հոկտեմբերի 8-ին, Թումանյանը ազատվել էր Իրանում ՀՀ դեսպանի պաշտոնից։ Նա դեսպան էր նշանակվել 2015-ին Սերժ Սարգսյանի կողմից։
Մանյա Պողոսյան
