08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Բագրատ Գալստանյանը Հանրային Հեռուստաընկերությունից ուղիղ եթեր է պահանջում. ՈՒՂԻՂ
Քաղաքականություն
02.10.2024 | 22:00
Հանրապետության հրապարակում ժամը 18:30-ից մեկնարկած «Սրբազան շարժման» մասնակիցները՝ Բագրատ Գալստանյանի գլխավորությամբ, շարժվեցին Հանրային հեռուստաընկերություն՝ ուղիղ եթերի հնարավորություն պահանջելու։
Հայտարարությունից հետո ոստիկանական մեծ ուժեր բերվեցին Հանրային հեռուստաընկերության շենքի մոտ, տեղում է նաև ՆԳՆ նախարարի տեղակալ, ՀՀ ոստիկանապետ Արամ Հովհաննիսյանը, որի հետ Գալստանյանը ընդհարում ունեցավ.
«Քեզ տրորելու եմ»,- դիմելով Հովհաննիսյանին ասաց Գալստանյանը։ Ի պատասխան դրան` ոստիկանապետն ասաց,- «Գլուխդ պատով ես տալու»։
Ավելի ուշ հեռուստաընկերության տնօրեն Հովհաննես Մովսիսյանը դուրս եկավ շենքից և հանդիպեց Գալստանյանի և նրա համակիրների հետ։ Մովսիսյանն առաջարկեց հարցազրույց Բագրատ Գալստանյանի հետ ուղիղ եթերում ու այդ ընթացքում հանդես գալ նաև ուղերձով։ Վերջինս համաձայնեց հանդես գալ ուղերձով և կարճ հարցազրույց տալ։ Նրա հետ Հանրային հեռուստաընկերություն կմտնեն Գառնիկ Դանիելյանը, Էդգար Ղազարյանը և Կարեն Բեքարյանը։
