13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
2025 թ-ի բյուջեն միտված է լինելու պաշտպանական և անվտանգության համակարգերի ամրապնդմանը․Վահագն Խաչատուրյանն ընդունել է Վահե Հովհաննիսյանին
Տնտեսություն
02.10.2024 | 16:22
Հանրապետության նախագահ Վահագն Խաչատուրյանն ընդունել է ՀՀ ֆինանսների նախարար Վահե Հովհաննիսյանին․ տեղեկացնում են ՀՀ նախագահի աշխատակազմից։
Հանդիպման ընթացքում քննարկվել են Հայաստանի ֆինանսական համակարգում ընթացող շարժերի և բարեփոխումների վերաբերյալ հարցեր: Ֆինանսների նախարարը Հանրապետության նախագահին է ներկայացրել 2025 թվականի բյուջեի վերաբերյալ մանրամասներ և առանձնացրել է գալիք տարվա բյուջեի հիմնական առանձնահատկությունները:
Իր խոսքում նախարարը մասնավորապես ընդգծել է, որ 2025-ի բյուջեն միտված է լինելու պաշտպանական և անվտանգության համակարգերի ամրապնդմանը, ինչը նաև կառավարության գործունեության առաջնահերթությունն է:
Հանրապետության նախագահը դրական է գնահատել և կարևորել անվտանգային խնդիրների լուծման ուղղությամբ համապարփակ քայլերի իրականացումը, ինչը պետք է առաջին հերթին արտահայտվի նաև տարեկան բյուջե նախագծում:
Զրույցի ընթացքում մտքեր են փոխանակվել երկրի ֆինանսատնտեսական համակարգում առկա խնդիրների և դրանց լուծման ուղղությամբ կիրառվող քայլերի շուրջ:
