16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ես թիկնապահ չունեմ, օլիգարխ էլ չեմ, ոչ էլ զենք ունեմ․ Սամվել Ալեքսանյանը վստահեցնում է՝ վարչապետի հայտարարությունն իրեն չի վերաբերում
Քաղաքականություն
12.09.2018 | 11:48
Ազգային ժողովի պատգամավոր Սամվել Ալեքսանյանը մտավախություն չունի, որ իր անունը կարող է հայտնվել Մարտի 1-ի գործով անցնողների ցուցակում։ Այս մասին այսօր Ազգային ժողովում լրագրողների հետ զրույցում ասաց պատգամավորը։ «Ես թիկնապահ չունեմ, օլիգարխ էլ չեմ, ոչ էլ զենք ունեմ։ Վարչապետի հայտարարություններն էլ ինձ չեն վերաբերում»,- ասաց պատգամավորը:
Հիշեցնենք՝ երեկ Դավիթաշենում կայացած «Իմ քայլը» դաշինքի հանրահավաքի ժամանակ Նիկոլ Փաշինյանը հայտարարել էր. «Դեռևս երբ ես «Հայկական ժամանակ» օրաթերթի գլխավոր խմբագիր էի, հրապարակել էի տեղեկություն, որ մեր տեղեկություններով՝ որոշ օլիգարխներ և պետական բարձրաստիճան պաշտոնյաների հետ կապ ունեցող անձինք ձեռք են բերել գաղտնալսման սարքեր և, հատուկ ծառայություններին զուգընթաց, ստեղծել են հատուկ ծառայություն պետության մեջ: Այդ չակերտավոր հատուկ ծառայությունները սափրագլուխների, ախրանաների տեսքով՝ հայտնաբերվելու և ոչնչացվելու են, բոլոր ապօրինի զինված խմբավորումները զինաթափվելու են: Ես ԱԱԾ-ին ու Ոստիկանությանը հրահանգում եմ հենց այս պահից իրականացնել ռեյդեր, օլիգարխների, բարձրաստիճան պաշտոնյաների թիկնազորներին պառկեցնել ասֆալտներին և զինաթափել բոլորին: Վանեցյան և Օսիպյա՛ն, ձեզ տալիս եմ 2 ժամ՝ ինձ որևէ նորություն հայտնելու համար»,- հայտարարել էր Փաշինյանը:
