Տարածքային ամբողջականության վերականգնումը հնարավոր է միայն խաղաղ ճանապարհով․ Բիձինա Իվանիշվիլի

Այսօր մենք ներգրավված ենք ոչ միայն նախընտրական քարոզարշավին, այլև խաղաղության, մեր երկրի ինքնիշխանության, մեր ավանդույթների ու արժեքների պաշտպանությանը, և այդ պայքարի հիմնական ասպարեզը հոկտեմբերի 26-ի խորհրդարանական ընտրություններն են,- հայտարարել է «Վրացական երազանք»-ի նախագահ Բիձինան Իվանիշվիլին. հաղորդում է Վրաստանի առաջին ալիքը։

Նա նաեւ նշել է, որ սա բնակչության երկարամյա երազանքի՝ Վրաստանի միավորումն ավարտին հասցնելու պայքար է, որին հնարավոր է հասնել միայն խաղաղ ճանապարհով։ Իվանիշվիլիի խոսքով՝ հավաքական «Ազգային շարժման» վերաբերմունքն այս հարցում հստակ ցույց է տալիս նրանց նպատակը՝ Վրաստանը պահել մշտական ​​առճակատման վիճակում։

«Սա պայքար է մեր երկարամյա երազանքի՝ մեր հայրենիքը կրկին միավորված տեսնելու համար, թեև Վրաստանի տարածքային ամբողջականության վերականգնումը հնարավոր է միայն խաղաղ ճանապարհով՝ հաշտեցման և փոխադարձ ներողամտության հիման վրա։ Արտասահմանյան երկրների գործակալների և կոլեկտիվ «Ազգային շարժման» վերաբերմունքն այս հարցում հստակ ցույց է տալիս նրանց իրական նպատակը՝ Վրաստանը պահել մշտական ​​հակամարտության և առճակատման վիճակում։ Այդ իսկ պատճառով մեր երկրի տարածքային ամբողջականության նախապատրաստական ​​աշխատանքներն առաջին հերթին անցնում են սահմանադրական մեծամասնության ձեռքբերմամբ։ Հոկտեմբերի 26-ին սահմանադրական մեծամասնություն ստանալու դեպքում «Վրացական երազանքի» թիմը պատրաստ է հարմար պահին երկիրը անցկացնել սահմանադրական այնպիսի կարգի, որը թույլ կտա իրականացնել մեր վաղեմի երազանքը՝ տեսնել կրկին միասնական և ուժեղ Վրաստան»,- ասել է Բիձինա Իվանիշվիլին։