06.10.2026 | 20:09
Մոսկվան հայտարարել է, թե Հայաստանը ցանկանում է Գյումրիից ռազմաբազայի դուրսբերման պատասխանատվությունը «բարդել Ռուսաստանի վրա»
«Ինքն է որոշել չմասնակցել». Տեր Եսային՝ Բագրատ Գալստանյանի՝ Մյուռոնօրհնեքին ներկա չգտնվելու մասին
Հասարակություն
28.09.2024 | 19:50
«Դա իր որոշելիքն է, Բագրատ Սրբազանը ինքն է որոշել չմասնակցել»,- այս մասին Մայր Աթոռում Մյուռոնօրհնեքի արարողությունից առաջ լրագրողների հետ զրույցում ասաց Մայր Աթոռի տեղեկատվական համակարգի տնօրեն Եսայի քահանա Արթենյանը՝ անդրադառնալով հարցին, թե ինչու Գալստանյանը չի մասնակցում արարողությանը։
«Ես առիթ չեմ ունեցել նրա հետ այդ մասին խոսելու, Բագրատ Սրբազանը, իբրև հայ եկեղեցու հոգևորական, ազատ է ներկա գտնվելու այս արարողություններին։ Նրան հրավեր չի ուղարկվել, քանի որ հոգևորականներին հրավեր չի ուղարկվում»,- նշեց Արթենյանը։
Հիշեցնենք՝ ժամը 17:00-ից Սուրբ Գևորգ քաջամարտիկ զորավարի հիշատակության օրը, Մայր Աթոռի Սուրբ Տրդատի բաց խորանում կատարվում է Սրբալույս Մյուռոնի օրհնություն՝ ձեռամբ Ն.Ս.Օ.Տ.Տ. Գարեգին Երկրորդ Ծայրագույն պատրիարք և Ամենայն Հայոց Կաթողիկոսի։ Արարողությանը մասնակցում են ընդդիմադիր և իշխանական մի շարք պատգամավորներ։
