07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Ալի Խամենեին տեղափոխել են անվտանգ վայր
Քաղաքականություն
28.09.2024 | 14:16
Իրանի գերագույն առաջնորդ Ալի Խամենեին տեղափոխվել է մի վայր, որտեղ անվտանգության ուժեղացված միջոցառումներն են՝ լիբանանյան «Հեզբոլլահ» շարժման առաջնորդ Հասան Նասրալլայի մահվան մասին լուրերից հետո․ հայտնում է Reuters-ը՝ հղում անելով աղբյուրներին։
Գործակալության զրուցակիցները նշել են, որ Իրանը մշտական կապի մեջ է Հեզբոլլահի և տարածաշրջանային այլ շարժումների հետ՝ հետագա գործողությունները որոշելու համար այն բանից հետո, երբ Իսրայելի պաշտպանության բանակը հայտարարեց Նասրալլահի մահվան մասին:
Իսրայելական բանակի տվյալներով՝ սպանվել են նաև խմբավորման հարավային ճակատի հրամանատար Ալի Կարաքին և շարժման մյուս հրամանատարները։
Իրանի կողմից աջակցվող շիա խմբավորումը դեռ չի մեկնաբանել Նասրալլայի մահվան մասին տեղեկությունները:
Շաբաթվա սկզբից Իսրայելը սկսել է ինտենսիվ ռմբակոծել Լիբանանը, հարձակումներ են գործել նաև երկրի մայրաքաղաք Բեյրութի որոշ շրջանների վրա: Գործողությունը, որը կոչվում է «Հյուսիսի նետեր», մեկնարկել է սեպտեմբերի 23-ին։
