09.09.2026 | 12:03
ՌԴ-ն հարվածել է Ուկրաինա-Մոլդովա սահմանի անցակետին․ երկու մարդ զոհվել է
Իրանի ԱԳ նախարարը Միրզոյանի հետ հանդիպմանը ընդգծել է տարածաշրջանի երկրների տարածքային ամբողջականությանն աջակցելու Թեհրանի քաղաքականությունը
Քաղաքականություն
27.09.2024 | 22:10
Նյու Յորքում ՄԱԿ-ի ԳԱ-ի 79-րդ նստաշրջանի շրջանակներում ԱԳ նախարար Արարատ Միրզոյանի ու Իրանի ԱԳ նախարար Սեյեդ Աբբաս Արաղչիի հանդիպումից մանրամասներ են հայտնում իրանական լրատվամիջոցները։
Farsnews-ը հայտնում է, որ կողմերը քննարկել երկկողմ հարցեր, ինչպես նաև տարածաշրջանային և միջազգային զարգացումները։
«Արարատ Միրզոյանը շնորհավորել է Արաղչիին արտաքին գործերի նախարար ընտրվելու կապակցությամբ և իր գոհունակությունը հայտնել երկու երկրների բարեկամական հարաբերությունների կապակցությամբ, ընդգծել հարաբերություններն ընդլայնելու իր երկրի կամքը և բարձր գնահատել Իրանի դիրքորոշումները Հայաստանի տարածքային ամբողջականության և տարածաշրջանում իրադարաձությունների նկատմամբ։
Հանդիպմանն, ընդգծելով տարածաշրջանի երկրների տարածքային ամբողջականությանն ու միջազգային սահմանների անփոփոխությանը աջակցելու Իրանի Իսլամական Հանրապետության քաղաքականությունը, Արաղչին նաև իր աջակցությունն է հայտնել Հայաստանի և իր հարևանների միջև խաղաղության բանակցություններին և Իրանի պատրաստակամությունը աջակցելու կայուն խաղաղությանը տարածաշրջանում»,- փոխանցում են իրանական լրատվամիջոցները։
Թարգմանությունը՝ Էմմա Չոբանյանի
