13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
ԱՄՆ Առևտրի դեպարտամենտում քննարկվել են Հայաստանի հետ համագործակցության ընթացիկ արդյունքներն ու հետագա քայլերը
Տնտեսություն
27.09.2024 | 10:35
Վաշինգտոն կատարած այցի ընթացքում ՄՊՀ նախագահ Գեղամ Գևորգյանը հանդիպում է ունեցել ԱՄՆ
Առևտրի դեպարտամենտի Առևտրային իրավունքի զարգացման ծրագրի (CLDP) ղեկավար Սթեֆան Գարդների,
Եվրոպայի և Եվրասիայի տարածաշրջանների գծով պատասխանատու Թոմաս Մարկի և ծրագրի խորհրդատու Էրիկ
Ուենզի հետ․ տեղեկացնում են Մրցակցության պաշտպանության հանձնաժողովից։
Հանդիպման ընթացքում կողմերը քննարկել են երկկողմ համագործակցությունն ընդգրկող հարցերի լայն
շրջանակ: Ընդգծվել է CLDP ծրագրի շրջանակում մի շարք ուղղություններով համագործակցության հաջողված փորձը,
անդրադարձ է կատարվել թվային հարթակներին առնչվող ՀՀ օրենսդրության և կիրարկման խնդիրների վերլուծության
(GAP analisys) վերաբերյալ զեկույցին և դրա ուղղությամբ իրականացվելիք հետագա աշխատանքներին:
Ծրագրի պատասխանատուները նշել են, որ տպավորված են ՄՊՀ մասնագետների պրոֆեսինալիզմի և
աշխատանքներում ներգրավվածության բարձր մակարդակով:
Գեղամ Գևորգյանը գոհունակություն է հայտնել ծրագրի արդյունքներից՝ կարևորելով թվային շուկաներում
մրցակցային մարտահրավերների արդյունավետ կառավարման գործում միջազգային փորձը:
Նախանշվել և մտքեր են փոխանակվել հետագա համագործակցության հնարավոր ուղղությունների շուրջ,
ներառյալ թվային հարթակներին առնչվող առաջարկների իրականացումը, սպառողների շահերի պաշտպանությունը և
այլն:
