07.10.2026 | 17:17
Ռուբիոն հայտարարել է, որ Իրանը «լիովին կորցրել է վերահսկողությունը» Հորմուզի նեղուցի նկատմամբ
4 տարի առաջ այս օրը Ադրբեջանը լայնամասշտաբ ագրեսիա սկսեց Արցախի դեմ
27.09.2024 | 10:04
Այսօր լրանում է 44 օրյա պատերազմի 4-րդ տարելիցը։ 2020 թվականի սեպտեմբերի 27-ին, վաղ առավոտյան Ադրբեջանը լայնամասշտաբ ագրեսիա սկսեց Արցախի Հանրապետության դեմ՝ միաժամանակ շփման գծի գրեթե բոլոր ուղղություններով հակառակորդը օդուժի, հրետանու, անօդաչուների կիրառմամբ հարձակում սկսեց՝ հրթիռակոծելով նաև խաղաղ բնակավայրերը։
Մարտական գործողություններն ընթացան արցախա-ադրբեջանական շփման գծի ողջ երկայնքով և տևեցին 44 օր: Ադրբեջանական կողմի սանձազերծած ռազմական գործողությունների առաջին օրը Հայաստանում և Արցախում հայտարարվեց ռազմական դրություն և ընդհանուր զորահավաք։
Ռազմական գործողությունների ընթացքում զինադադար հաստատելու փորձեր եղան, սակայն պայմանավորվածությունները չպահվեցին, ադրբեջանական կողմը շարունակեց գրոհները։
Նոյեմբերի 9-ին հայտարարվեց կրակի դադարեցման վերաբերյալ Հայաստանի, Ռուսաստանի և Ադրբեջանի ղեկավարների կողմից 9 կետից բաղկացած եռակողմ հայտարարության ստորագրման մասին։ Ըստ որի՝ Արցախի Հանրապետության տարածքի մեծ մասն անցավ Ադրբեջանի վերահսկողությանը՝ Քարվաճառի շրջանը, Ակնայի շրջանը, Լաչինի շրջանը՝ բացառությամբ Լաչինի միջանցքի, Հադրութի շրջանի մի քանի շրջաններ, Ասկերանի և Մարտակերտի շրջանի որոշ գյուղեր։ Ռուս խաղաղապահների դիտակետեր տեղակայվեցին Արցախի և Ադրբեջանի շփման գծի, ինչպես նաև Հայաստանն ու Արցախը միացնող Լաչինի միջանցքի երկայնքով:
Ըստ պաշտոնական տվյալների՝ 44-օրյա պատերազմում հայկական կողմից զոհվածների թիվը 3,830 է։ 44-օրյա պատերազմից երեք տարի անց՝ սեպտեմբերի 19-ին Ադրբեջանը ևս մեկ հարձակում իրականացրեց Արցախի վրա, որից հետո այն ամբողջությամբ հայաթափվեց։
