06.06.2026 | 13:33
Քրեական աստիճանակարգության բարձրագույն կարգավիճակ ունեցող անձը և ևս մեկ անձ ձերբակալվել են
ՀՀ նախագահը դաշնակահար Րաֆֆի Խարաջանյանին պարգևատրել է Երախտագիտության մեդալով
Մշակույթ
25.09.2024 | 21:39
Հանրապետության նախագահ Վահագն Խաչատուրյանն ընդունել է դաշնակահար, երաժշտագետ, հասարակական գործիչ Րաֆֆի Խարաջանյանին: Այս մասին տեղեկացնում են նախագահի աշխատակազմից։
Նախագահը ողջունել է հյուրին և բարձր գնահատել նրա ավանդը հայ-լատվիական բարեկամական կապերի ամրապնդման և Լատվիայում հայկական մշակութային ժառանգության հանրահռչակման գործում:
Զրույցի ընթացքում Րաֆֆի Խարաջանյանը մանրամասներ է ներկայացրել լատվիահայ համայնքի մշակութային և հանրային կյանքի անցուդարձերից:
Հանդիպմանն անդրադարձ է կատարվել Հայաստանում և տարածաշրջանում տիրող ընդհանուր դրությանն ու զարգացումներին: Մտքեր են փոխանակվել Լատվիայի և Հայաստանի միջև համագործակցության սերտացմանն ուղղված նախաձեռնությունների կյանքի կոչման հնարավորությունների վերաբերյալ:
Հանդիպման ավարտին Հանրապետության նախագահը Րաֆֆի Խարաջանյանին պարգևատրել է Երախտագիտության մեդալով՝ հայ-լատվիական բարեկամական կապերի ամրապնդման և զարգացման, հայկական մշակութային արժեքների պահպանման գործում ներդրած ավանդի համար:
