07.10.2026 | 23:48
Արթուր Դանիելյանը կալանավորվեց
Իսրայելի բանակը լրացուցիչ մոբիլիզացիա է հայտարարել «Հըզբոլլահ»-ի հետ հակամարտության ֆոնին
Քաղաքականություն
25.09.2024 | 22:41
Իսրայելի պաշտպանության բանակը (IDF) հայտարարել է երկու պահեստային բրիգադների լրացուցիչ մոբիլիզացիայի մասին՝ երկրի հյուսիսում կռվելու համար։ Նշվում է նաև, որ իսրայելական կործանիչները հարձակվել են Լիբանանում գտնվող «Հըզբոլլահ»-ի հետախուզության 60 կետի վրա:
«Դա թույլ կտա մեզ շարունակել պայքարը «Հըզբոլլահ» ահաբեկչական կազմակերպության դեմ, պաշտպանել Իսրայել պետությունը և պայմաններ ստեղծել, որպեսզի հյուսիսային Իսրայելի բնակիչները վերադառնան իրենց տները»,- ասվում է Իսրայելի պաշտպանության բանակի Telegram-ի ալիքում հրապարակված հաղորդագրությունում:
Հյուսիսային ռազմական շրջանի հրամանատար Օրի Գորդինը հայտարարել է պատերազմի նոր փուլի մասին, որին Իսրայելի պաշտպանության բանակը պետք է լիովին պատրաստ լինի։
Սեպտեմբերի 17-ին և 18-ին Լիբանանում տեղի ունեցան էլեկտրոնային և կապի սարքավորումների պայթյուններ, որոնց հետևանքով զոհվեց ավելի քան 30 մարդ, վիրավորվեց՝ շուրջ 4 հազարը։ Սեպտեմբերի 23-ին Իսրայելի իշխանությունները հայտարարեցին Լիբանանում գործողության մեկնարկի մասին, որի նպատակն է ոչնչացնել «Հըզբոլլահ»-ի ռազմական ենթակառուցվածքը և երկրի 60 հազար տարհանված բնակիչներին վերադարձնել իրենց տները։
Թարգամանությունը՝ Տաթև Ֆռանգյանի
