26.06.2026 | 16:54
Մահացել է ՌԴ պաշտպանության նախկին նախարար Սերգեյ Իվանովը
Ադրբեջանից գազ գնելը կպակասեցնի կախվածությունը. Բաբկեն Թունյան․ ՏԵՍԱՆՅՈՒԹ
Տնտեսություն
25.09.2024 | 15:23
Եթե Ադրբեջանն ուզում է այլընտրանքային գազ մեզ մատակարարել, ապա կարելի է քննարկել, այս մասին Ազգային Ժողովում ճեպազրույցի ժամանակ ասաց «Քաղաքացիական պայմանագիր» խմբակցության պատգամավոր, տնտեսական հարցերի մշտական հանձնաժողովի փոխնախագահ Բաբկեն Թունյանը։
Նրա կարծիքով՝ ցանկացած այլընտրանքային աղբյուրից այդ ռեսուրսը գնելը, ոչ թե կախվածությունն ավելացնում է, այլ պակասեցնում։
«Երրորդ մատակարարից գազ գնելու հնարավորությունը մեծացնում է էներգետիկ անվտանգության և անկախության մակարդակը։ Հիմա Ադրբեջանից գազ կգնվի, թե չի գնվի, մի քիչ ավելի հետագայի և տեսական հարց է, բայց երբ ունենանք մի այնպիսի իրավիճակ, երբ կարողանանք առևտրային հարաբերություններ սահմանել, և եթե մեզ այդ ռեսուրսն անհրաժեշտ է, ապա պետք է նայենք, թե ով է այն ավելի էժան, որակով և արագ մատակարարում։ Եթե այդ ռեսուրսը մատակարարում է Ադրբեջանը, կարելի է նաև քննարկել այդ մասին, եթե այն բխում է ՀՀ-ի շահերից՝ հաշվի առնելով դիվերսիֆիկացիայի և այլընտրանքյին աղբյուրները»,- ընդգծեց տնտեսական հարցերով մշտական հանձնաժողովի նախագահը։
Մանրամասները՝ տեսանյութում։
