04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
28 ստարտափ՝ 16 երկրից. Դիլիջանում մեկնարկել է «ՆերՈւժ 5.0» սփյուռքի տեխնոլոգիական ստարտափների ծրագիրը
Հասարակություն
24.09.2024 | 23:03
28 ստարտափ՝ 16 երկրից. այսօր Դիլիջանում մեկնարկեց «ՆերՈւժ 5.0» սփյուռքի տեխնոլոգիական ստարտափների ծրագիրը։
Սփյուռքահայ ստարտափերները ժամանել են Հայաստան՝ ներկայացնելու իրենց տեխնոլոգիական գաղափարները, զարգացնելու և վերածելու կայուն բիզնեսի։ Այս տարի առաջին անգամ ծրագրի շրջանակներում ներգրավվել է միջազգային հեղինակավոր աքսելերատոր «Plug and Play»-ը, որը 6 օր շարունակ կաշխատի ծրագրի մասնակիցների հետ, իսկ միջոցառման ավարտից հետո մեկ ամիս կաշխատի ծրագրի հաղթող ստարտափերների հետ:
«Շնորհավորելով ներուժցիներին՝ ընդգծել եմ, որ այս ծրագիրը կարևոր քայլ է սփյուռքի հետ կամուրջներ ստեղծելու և համահայկական ներուժը Հայաստանում կենտրոնացնելու համար, նշել, որ «ՆերՈւժին» մասնակցելը շատերի համար շրջադարձային որոշում է լինելու. տեղափոխվել Հայաստան և ներդրում ունենալ մեր երկրի տեխնոլոգիական ոլորտի զարգացման գործում։
Բացման խոսքով են հանդես եկել նաև Սփյուռքի գործերի գլխավոր հանձնակատար Զարեհ Սինանյանը, ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը և «Plug and Play» միջազգային աքսելերատորի ներկայացուցիչ Ալֆրեդո Գոմես Սորիան»,- գրել է ԲՏԱ նախարար Մխիթար Հայրապետյանը։
