07.10.2026 | 23:48
Արթուր Դանիելյանը կալանավորվեց
ԱՄՆ-ն աֆրիկյան երկրներին 1 միլիոն չափաբաժին կապիկի ծաղիկի դեմ պատվաստանյութ կնվիրաբերի
Քաղաքականություն
24.09.2024 | 22:57
ԱՄՆ նախագահ Ջո Բայդենը կհայտարարի կապիկի ծաղիկի դեմ պատվաստանյութի 1 միլիոն դեղաչափ (mpox) և առնվազն 500 միլիոն դոլար աֆրիկյան երկրներին հատկացնելու մասին՝ աջակցելու համաճարակի դեմ նրանց պայքարին։ Այս մասին Reuters-ին հայտնել է վարչակազմի բարձրաստիճան պաշտոնյան, գրում է VOA-ն։
Նշվում է, որ Բայդենն այդ մասին կհայտարարի Նյու Յորքում ՄԱԿ-ի Գլխավոր վեհաժողովում ունեցած ելույթում և կհորդորի մյուս երկրներին հետևել ԱՄՆ-ի օրինակին։
Օգոստոսին Առողջապահության համաշխարհային կազմակերպությունը երկու տարվա ընթացքում երկրորդ անգամ կապիկի ծաղիկը հայտարարեց արտակարգ դրություն հանրային առողջության համար: Սա տեղի է ունենում Կոնգոյի Դեմոկրատական Հանրապետությունում վիրուսի բռնկումից հետո, որը տարածվել է հարևան երկրներում և նրա սահմաններից դուրս, ներառյալ՝ Հնդկաստանը, ինչը տագնապ է առաջացրել:
Mpox վիրուսը կարող է տարածվել մարդկանց միջև սերտ շփման միջոցով: Հիվանդությունը սովորաբար թեթև է ընթանում, բայց հազվագյուտ դեպքերում կարող է մահացու լինել:
Թարգմանությունը՝ Տաթև Ֆռանգյանի
