24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Ոչ մրցակցային գնումների համար 2024-ին ավելի շատ փող է ծախսվել
Տնտեսություն
24.09.2024 | 18:20
Ֆինանսների նախարարությունը հրապարակել է ոչ մրցակցային և մրցակցային գնման ձևերով հունվար-օգոստոսին պետական մարմինների ստանձնած պարտավորությունների վիճակագրությունը։ Ըստ այդմ՝ 2024 թ․ հունվար-օգոստոսին պետական մարմինները մեկ անձից (իրական) ավելի մեծ ծավալի գնում են իրականացրել՝ 8․2 մլրդ դրամ, քան 2023 թ-ի հունվար-օգոստոսին՝ մոտ 7․7 մլրդ դրամ։ Հարկ է նշել, որ իրական մեկ անձի մեջ ներառված չեն հիվանդանոցային ծառայությունների և բնական մենաշնորհ հանդիսացող ծառայությունների գնումները։
Փորձեցինք ինքներս հաշվարկել մեկ անձից գնումների ծավալը 2023 և 2024 թվականների հունվար-օգոստոս ժամանակաշրջանի համար։ Մեկ անձից գնումների ցանկից հանել ենք առողջապահության, էլեկտրաէներգիայի, ջրի և գազի գնումները։ Արդյունքում՝ պետական մարմիններն այս տարի իրականացրել են 3273 գնում՝ 17․9 մլրդ դրամ ծավալով, իսկ 2023-ի 8 ամսում՝ 3340 գնում՝ 14․5 մլրդ դրամ ծավալով։ Թվային ցուցանիշների տարբերությունը պայմանավորված է տվյալ օրվա դրությամբ համակարգում առկա պայմանագրերի հնարավոր փոփոխությամբ և տարբեր ֆիլտրերի կիրառությամբ։
Ամեն դեպքում, թե՛ նախարարության, թե՛ մեր հաշվարկով ստացվում է, որ նախորդ ժամանակաշրջանի համեմատ պետությունն այս տարի ավելի մեծ գումար է ծախսել ոչ մրցակցային եղանակով ծառայություններ գնելու համար։
Գայանե Խաչատրյան
