06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Միջին նորոգման կենթարկվի Ձորավանք-Ճամբարակ-Դրախտիկ հանրապետական նշանակության ճանապարհը
Տնտեսություն
24.09.2024 | 17:37
ՀՀ պետբյուջեի միջոցների հաշվին առաջիկա օրերի ընթացքում կմեկնարկեն Հ-30/Մ-4/ -Ճամբարակ-/Հ-7/ հանրապետական նշանակության ավտոճանապարհի միջին նորոգման աշխատանքները։
Ինչպես տեղեկացնում են Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, Ձորավանք-Ճամբարակ-Դրախտիկ ավտոճանապարհը միջին նորոգման կենթարկվի 40,6 կմ երկարությամբ և 290 հազար 630 քմ մակերեսով։ Եվս 7991 քմ մակերեսով ասֆալտեբոնե շերտ կտեղադրվի մուտքերում և իջատեղերում։
Ձորավանք-Ճամբարակ-Դրախտիկ ավտոճանապարհի միջին նորոգման ծրագրի նախնական արժեքը կազմում է 2 մլրդ 485 մլն դրամ, պայմանագրային արժեքը՝ 1 մլրդ 888 մլն դրամ։ Ծրագրով նախատեսվում է բնակավայրերի ներսում ասֆալտբետոնե հին շերտի հեռացում ֆրեզման միջոցով ու նոր շերտի տեղադրում՝ 5 սմ շերտով, իսկ մնացած հատվածներում՝ փոսային նորոգմամբ կամ գործող ծածկի վրա ասֆալտբետոնե նոր շերտի տեղադրում։ Շինարարական աշխատանքները նախատեսված է ավարտին հասցնել 2024 թվականի ընթացքում։ Ճանապարհի ասֆալտբետոնե ծածկը միջին նորոգման ենթարկելուց հետո կիրականացվեն գծանշման աշխատանքներ։
Ճանապարհի միջին նորոգման աշխատանքները բաժանված են 4 չափաբաժնի։ Երկու չափաբաժում շինարարական աշխատանքներն իրականացնելու է «Վասպուրականի ՃՇՇ» ԲԲԸ-ն, մյուս երկու չափաբաժնում՝ «Սիսիանի ԲՈՒԱՏ» և «Էկո Բիլդինգ» սահմանափակ պատասխանատվությամբ ընկերությունները։
