16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Վալերի Օսիպյանն ու ՊՆ ներկայացուցիչները քննարկել են «Շանթ 2018» զորավարժության մանրամասները
11.09.2018 | 16:28
Սեպտեմբերի 11-ին ոստիկանության պետ Վալերիյ Օսիպյանն ընդունել է պաշտպանության նախարարին կից բարձրագույն սպայական խորհրդի անդամ, գեներալ-մայոր Ալբերտ Մարդոյանին, ԶՈՒ ԳՇ ռազմավարական պլանավորման վարչության ավագ սպա Արթուր Մուսայելյանին և գլխավոր ռազմական տեսչության ներկայացուցիչ Արթուր Հարությունյանին:
Ինչպես հայտնում են ոստիկանության լրատավական բաժնից, քննարկվել են սեպտեմբերի 11-ից 14-ը կայանալիք «Շանթ 2018» հրամանատարաշտաբային զորավարժության մանրամասները:
Ոստիկանության պետի տեղակալ Աղասի Կիրակոսյանն ու ոստիկանության զորահավաքային աշխատանքների և քաղաքացիական պաշտպանության բաժնի պետ Կարեն Ներսիսյանը ներկայացրել են ոստիկանության ստորաբաժանումների պատրաստվածությունը:
Ոստիկանության պետ Վալերիյ Օսիպյանն ու գեներալ-մայոր Ալբերտ Մարդոյանը խոսել են պատերազմական իրավիճակում տարբեր գերատեսչությունների համակարգված գործողությունների ու համագործակցության մասին:
Վալերիյ Օսիպյանը կարևորելով բոլոր գերատեսչությունների համար արդյունավետ զորավարժության անցկացումը՝ վստահեցրել է, որ ոստիկանությունը իր առջև դրված ցանկացած առաջադրանք ու խնդիր կկատարի ճշգրիտ և ժամանակին:
Հանդիպմանը քննարկվել են նաև փոխադարձ հետաքրքրություն ներկայացնող այլ հարցեր:
