18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Իտալիայի պաշտպանության նախարարն Ադրբեջանում է
Քաղաքականություն
24.09.2024 | 13:31
Իտալիայի պաշտպանության նախարար Գվիդո Կրոզետտոն ժամանել է Բաքու, հայտնում է ադրբեջանական լրատվամիջոցները՝ հղում անելով Ադրբեջանի ՊՆ-ին։
Կրոզետտոն Բաքվում է Ադրբեջանի պաշտպանության նախարար Զաքիր Հասանովի հրավերով՝ մասնակցելու ADEX-2024 5-րդ միջազգային պաշտպանական ցուցահանդեսին։ Իտալական պատվիրակությանն օդանավակայանում դիմավորել են Ադրբեջանի պաշտպանության փոխնախարար Ագիլ Գուրբանովը, ՊՆ բարձրաստիճան այլ պաշտոնյաներ։
Այցի ընթացքում Կրոզետտոն քննարկելու է ադրբեջանա-իտալական ռազմական համագործակցության հեռանկարներն ու այլ հարցեր։
Հավելենք, որ վերջին տարիներին Բաքվի և Հռոմի ռազմական համագործակցությունը գնալով ավելի է ակտիվանում։ Այս տարի հունիսին Կրոզետտոյի մասնակցությամբ Բաքվում Ադրբեջանի նախագահ Իլհամ Ալիևին էր ներկայացվել իտալական Leonardo ընկերության արտադրած C-27J Spartan ռազմատրանսպորտային ինքնաթիռը, որը ձեռք է բերել ադրբեջանական կողմը։
Թարգմանությունը՝ Էմմա Չոբանյանի
