07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Էրդողանը դիմել է Քամալա Հարիսին` ԱՄՆ այցի ընթացքում հանդիպման խնդրանքով․ Bloomberg
Քաղաքականություն
20.09.2024 | 22:30
Թուրքիայի նախագահ Ռեջեփ Թայիփ Էրդողանը ձգտում է Նյու Յորքում հանդիպել ԱՄՆ նախագահի դեմոկրատ թեկնածու Քամալա Հարիսին հաջորդ շաբաթ ՄԱԿ-ի Գլխավոր վեհաժողովի նիստից առաջ՝ ԱՄՆ-ի հետ հարաբերություններում վերջին բարելավումները խթանելու նպատակով, հաղորդում է Bloomberg-ը։
Թուրքիայի ղեկավարը սպասում է նախագահի թեկնածուի պատասխանին, որը, ըստ սպասվածի, կիրակի Նյու Յորքում կլինի դրամահավաքի միջոցառման համար: Ըստ իրավիճակին ծանոթ աղբյուրների՝ Էրդողանը բաց է նաև փոխնախագահի թեկնածու Թիմ Ուոլզի հետ հանդիպման համար։
Էրդողանի գրասենյակը և Թուրքիայի արտաքին գործերի նախարարությունը հրաժարվել են մեկնաբանություններից։ Սպիտակ տունը նույնպես չի պատասխանել լրատվամիջոցի մեկնաբանության խնդրանքին։
Հավելենք, որ Թուրքիայի նախագահ Ռեջեփ Թայիփ Էրդողանը սեպտեմբերի 24-ին 14-րդ անգամ ելույթ է ունենալու ՄԱԿ-ի Գլխավոր վեհաժողովում։
Թարգմանությունը՝ Էմմա Չոբանյանի
