06.12.2025 | 13:22
Գուգարաց թեմի քահանաները հանդես են եկել հայտարարությամբ՝ ի պաշտպանություն Գարեգին Բ կաթողիկոսի
Ալիևը Ստեփանակերտում վերաբացել է Արցախի համալսարանը. ԼՈՒՍԱՆԿԱՐՆԵՐ
Քաղաքականություն
20.09.2024 | 14:57
Ադրբեջանի նախագահ Իլհամ Ալիևը որդու՝ Հեյդար Ալիևի հետ Էթնիկ զտման ենթարկած Ստեփանակերտում մասնակցել է Արցախի պետական համալսարանի վերաբացմանը։ Բաքուն այն Ղարաբաղի համալսարան է վերանվանել։
Ադրբեջանական լրատվամիջոցների հաղորդմամբ՝ նա հանդիպել է համալսարան գործուղված դասախոսների ու ուսանողների հետ, հանդես եկել ելույթով։ Ալիևը հերթական անգամ խեղաթյուրել է պատմական փաստերը՝ հայտարարալեվ, թե Ստեփանակերտը «պատմական ադրբեջանական հող է, և աշխարհը գիտի, որ այն եղել է հնագույն ադրբեջանական բնակավայր»։
Ալիևները մասնակցել են նաև ուսանողական հանրակացարանի բացմանը։ Որպես այդպիսին, ադրբեջանական կողմն օգտագործում է տեղի հայ բնակիչների գույքը։
Բացի այդ, համացանցում հայտնված տեսանյութերը վկայում են, որ Բաքվի իշխանությունները քանդել են Արցախի համալսարանի մոտ գտնվող հայերի տները։
Հիշեցնենք, որ դեռևս 2023 թվականի նոյեմբերի վերջին Ալիևը հրամանագիր էր ստորագրել «Ղարաբաղի համալսարան» ստեղծելու մասին։ Այս տարի փետրվարին էլ Ալիևը հրամանագիր էր ստորագրել համալսարանի գործունեությունը կազմակերպելու համար ֆինանսական միջոցներ հատկացնելու մասին։ 2024 թվականի պետական բյուջեով նախատեսված պահուստային ֆոնդից դրա համար 10 մլն մանաթ է հատկացվել։
Էմմա Չոբանյան
