09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
Իտալիայի և Ադրբեջանի ԳՇ ղեկավարները ռազմական համագործակցության հարցեր են քննարկել
Քաղաքականություն
19.09.2024 | 21:46
Պաշտոնայան այցով Իտալիայում գտնվող Ադրբեջանի ԶՈՒ ԳՇ պետ Քերիմ Վելիևի գլխավորած պատվիրակությունը հանդիպել է այդ երկրի Զինված ուժերի գլխավոր շտաբի պետ, ծովակալ Ջուզեպպե Կավո Դրագոնեի հետ, գրում են ադրբեջանական լրատվամիջոցները՝ վկայակոչելով ՊՆ-ին։
Նշվում է, որ Իտալիայում Ադրբեջանի դեսպան Ռաշադ Ասլանովի մասնակցությամբ հանդիպմանը ներկայացվել են Ադրբեջանի Պաշտպանության նախարարության և Իտալիայի զինված ուժերի կառուցվածքի և գործունեության ոլորտները։
Նեղ և ընդլայնված կազմերով հանդիպումներում քննարկվել են նաև Ադրբեջանի և Իտալիայի միջև ռազմական, ռազմատեխնիկական, ռազմակրթական ոլորտներում համագործակցության զարգացման հեռանկարները և տարածաշրջանային անվտանգության հարցեր։
Վելիևը շնորհավորել է ծովակալ Դրագոնեին՝ ՆԱՏՕ-ի ռազմական կոմիտեի ղեկավար նշանակվելու կապակցությամբ և հաջողություն մաղթել նոր պաշտոնում։
Թարգմանությունը՝ Էմմա Չոբանյանի
