Հայաստանից տրանսֆերտները հոսում են ԱՄԷ

Հայաստանի պաշտոնյաները պարբերաբար հայտարարում են, թե Ռուսաստանից տրանսֆերտների հոսքը մեր երկիր կրճատվում է ռուս ռելոկանտների հեռանալուն զուգահեռ։ Իսկ ի՞նչ է ասում պաշտոնական վիճակագրությունը։

ՀՀ կենտրոնական բանկի տվյալների համաձայն՝ 2024 թ-ի հուլիսին բանկային համակարգի միջոցով Հայաստան է փոխանցվել 485․9 մլն դոլար մասնավոր տրանսֆերտ՝ մոտ 29 %-ով ավելի, քանի 1 տարի առաջ՝ 2023 թ-ի հուլիսին: Ընդհանուր այս տարվա հունվար-հուլիսին մեր երկիր փոխանցվել է 3 մլրդ 10 մլն դոլար, որը 2023 թ-ի նույն ժամանակաշրջանի համեմատ մոտ 9 %-ով պակաս է, սակայն 2022 թ-ի հունվար-հուլիսի համեմատ այս ցուցանիշն ավելի է 23.5 %-ով, իսկ 2021 թ-ի հունվար-հուլիսի համեմատ աճը 2.6 անգամ է։

White & Black Gold Minimal Calligraphy Thank You Wedding Card by Factor tv

Որքան ուշագրավ է տրանսֆերտների ներհոսքը, է՛լ ավելի ուշագրավ է դրանց արտահոսքը և դրանից հետո երկրում «մնացած» գումարները, այսինքն՝ զուտ ներհոսքը (զուտ ներհոսքը ընդհանուր ներհոսքի և արտահոսքի տարբերությունն է)։ 2024 թ-ի առաջին 7 ամիսներին զուտ ներհոսքը կազմել է 758․7 մլն դոլար, որը 2023 թ-ի նույն ժամանակաշրջանի համեմատ պակաս է 26․5 %-ով, 2022 թ-ի նույն ժամանակաշրջանի համեմատ՝ մոտ 33 %-ով, իսկ նախքան ռուս-ուկրաինական պատերազմի սկսվելը՝ 2021 թ-ի հունվար-հուլիսի համեմատ մոտ 57 %-ով ավելի է։
Տրանսֆերտների գերակշիռ մասը Հայաստան է գալիս Ռուսաստանից և ԱՄՆ-ից, սակայն այդ երկրներ արտահոսքը, ինչպես երևում է գրաֆիկից, համանման չէ։

White & Black Gold Minimal Calligraphy Thank You Wedding Card by Factor tv
Հայաստանից այլ երկրներ տրանսֆերտների արտահոսքը դիտարկելիս՝ աչքի է ընկնում Արաբական Միացյալ Էմիրությունները։ Դեպի այս երկիր փողերի արտահոսքի զգալի աճ է սկսվել 2022 թ-ի մարտից։

Beige and Blue Modern Elegant Thank You Card by Factor tv

Հիշեցնենք, որ 2022 թ-ից Հայաստանից արտահանումը ԱՄԷ նույնպես սկսել է զգալիորեն ավելանալ՝ 2023 թ-ի կեսերին գերազանցելով նույնիսկ դեպի Ռուսաստան արտահանումը։

Գայանե Խաչատրյան