22.11.2024 | 14:03
Բաքուն COP29-ի շրջանակներում «Ադրբեջանական Երևան» միջոցառում է անցկացնելու
Ֆինլանդիայի նախագահն առաջարկել է ՌԴ-ին զրկել ՄԱԿ-ի Անվտանգության խորհրդում վետոյի իրավունքից
Քաղաքականություն
18.09.2024 | 21:56
Ֆինլանդիայի նախագահ Ալեքսանդր Ստուբը կոչ է արել փոխել համակարգը, որում մեկ պետությունը կարող է արգելափակել ՄԱԿ-ի Անվտանգության խորհրդի որոշումները, ինչպես նաև ընդլայնել դրա կազմը։ Ստուբը նաև առաջարկել է կասեցնել «անօրինական պատերազմ» վարող ցանկացած երկրի անդամակցությունը կառույցին, ինչպիսին է Ռուսաստանը։
Հաջորդ շաբաթ Նյու Յորքում տեղի կունենա ՄԱԿ-ի Գլխավոր վեհաժողովը։ Դրանում կքննարկվի Անվտանգության խորհրդի կազմը, և Ստուբը մտադիր է իր ձայնն ավելացնել դրա բարեփոխման կոչերին, գրում է Reuters-ը։
ՄԱԿ-ի գլխավոր քարտուղար Անտոնիո Գուտերեշը մայիսին խոսել էր «այսօրվա իրողություններին» համապատասխան փոփոխությունների անհրաժեշտության մասին։
Ստուբը մտադիր է Գլխավոր վեհաժողովին առաջարկել Անվտանգության խորհրդի մշտական անդամների թիվը 5-ից հասցնել 10-ի, այդ թվում՝ մեկ երկիր Լատինական Ամերիկայից, երկուսը՝ Աֆրիկայից և երկուսը՝ Ասիայից։
վՄիևնույն ժամանակ, ոչ մի երկիր չպետք է վետոյի իրավունք ունենա Անվտանգության խորհրդում, և ցանկացած ոք, ով անօրինական պատերազմ է վարում, պետք է դուրս մնա դրանից, ինչպես հիմա անում է Ռուսաստանը Ուկրաինայում», – ասել է Ֆինլանդիայի նախագահը Reuters-ին տված հարցազրույցում։
ՄԱԿ-ի ԱԽ մշտական անդամներն են Մեծ Բրիտանիան, Չինաստանը, Ռուսաստանը, ԱՄՆ-ը և Ֆրանսիան։
Թարգմանությունը՝ Տաթև Ֆռանգյանի
