09.09.2026 | 13:37
Մարիա Կարապետյանը՝ Արտաքին հարաբերությունների մշտական հանձնաժողովի փախնախագահ
Բաքուն օտարերկրյա դիվանագետների այց է կազմակերպել Արցախի շրջաններ, այդ թվում՝ Դադիվանք․ ԼՈՒՍԱՆԿԱՐՆԵՐ
Քաղաքականություն
18.09.2024 | 16:00
Բաքուն Ադրբեջանում հավատարմագրված դեսպանությունների, միջազգային կազմակերպությունների ու ռազմական կցորդների հերթական այցն է կազմակերպել էթնիկ զտման ենթարկած Արցախի շրջաններ։ Ադրբեջանական լրատվամիջոցների հաղորդմամբ՝ պատվիրակությանն ուղեկցում է Ադրբեջանի նախագահի օգնական Հիքմեթ Հաջիևը։
Նշվում է, որ այցին մասնակցում են ավելի քան 60 դիվանագետներ, որոնցից 20-ը՝ դեսպաններ։ Նրանց թվում են Ադրբեջանում ՌԴ դեսպան Միխայիլ Եվդոկիմովը, Ռումինիայի դեսպան Վասիլ Սոարեն, որոնք հարցազրույց են տվել ադրբեջանական լրատվամիջոցներին։
«Ես դիվանագիտական առաքելությունն սկսել եմ անցյալ տարվա հուլիսին, բախտ եմ ունեցել այցելել Ֆիզուլի, Լաչին և Շուշի, իսկ հիմա մենք գտնվում ենք այս գեղեցիկ վայրում [Սարսանգի ջրամբարում]: Ակնհայտ են Ադրբեջանի ջանքերը նախագահ Իլհամ Ալիևի գլխավորությամբ՝ վերականգնելու Ղարաբաղյան տարածաշրջանը։ Հաջողություն եմ մաղթում Ադրբեջանի քաղաքացիներին, հատկապես իրենց պատմական հայրենիք վերադարձողներին»,- ասել է ՌԴ դեսպանը։
Օտարերկրյա դիվանագետները եղել են Մատաղիսում, այցելել են Սարսանգի ջրամբար, Քարավաճառ, այդ թվում՝ Դադիվանք հայկական վանական համալիր։ Նրանց ներկայացրել են, իբր, վանական համալիրում «հայկական վանդալիզմի մասին»՝ նշելով, թե Հայ առաքելական եկեղեցին ու ՀՀ-ն «անօրինական աշխատանքներ են արել ռեստրավրացիայի անվան տակ»։
Էմմա Չոբանյան
