09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Բաքուն Արցախի համալսարանում ուսուցման գործընթաց է սկսում
Քաղաքականություն
17.09.2024 | 14:27
Բաքուն էթնիկ զտման ենթարկած Ստեփանակերտում գտնվող Արցախի պետական համալսարանում ուսուցման գործընթաց է սկսում։ Այստեղ սովորելու է 1104 ուսանող։ Ադրբեջանական լրատվամիջոցների հաղորդմամբ՝ ուսանողների խմբերն արդեն ժամանում են հայկական քաղաք։
Սեպտեմբերի 16-ին աշխատանքային խումբը սկսել է ուսանողների գրանցման և հանրակացարանում տեղավորման գործընթացը։ Նշվում է, որ ուսանողները Ստեփանակերտ են ժամանելու փուլերով՝ մինչև սեպտեմբերի 22-ը։
Որպես ադրբեջանցի ուսանողների հանրակացարական ծառայելու են Ստեփանակերտի հայ բնակչության բնակարանները, որոնք Ադրբեջանի իշխանությունները յուրացրել են։
Հիշեցնենք, որ Ադրբեջանն Արցախի պետական համալսարանը վերանվանել է «Ղարաբաղի համալսարան»։ Դեռևս 2023 թվականի նոյեմբերի վերջին Ադրբեջանի նախագահ Իլհամ Ալիևը հրամանագիր էր ստորագրել «Ղարաբաղի համալսարան» ստեղծելու մասին։ Այս տարի փետրվարին էլ Ալիևը հրամանագիր էր ստորագրել համալսարանի գործունեությունը կազմակերպելու համար ֆինանսական միջոցներ հատկացնելու մասին։ 2024 թվականի պետական բյուջեով նախատեսված պահուստային ֆոնդից դրա համար 10 մլն մանաթ է հատկացվել։
Էմմա Չոբանյան
