06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
ԿԳՄՍ նախարարն ընդունել է «Ավետարան ըստ Փարաջանովի» վավերագրական ֆիլմի հովանավորներին
Մշակույթ
16.09.2024 | 19:27
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է Սերգեյ Փարաջանովի 100-ամյակին նվիրված հոբելյանական միջոցառումների շրջանակում նկարահանված «Ավետարան ըստ Փարաջանովի» վավերագրական ֆիլմին ֆինանսական աջակցություն ցուցաբերած բոստոնահայ քույր ու եղբայր Մարի և Սարգիս Աղասարգսյաներին:
Հանդիպմանը ներկա է եղել նաև ԿԳՄՍ նախարարի տեղակալ Արթուր Մարտիրոսյանը:
Ժաննա Անդրեասյանը ողջունել է հյուրերին և շնորհակալություն հայտնել ֆիլմի նկարահանմանն աջակցելու համար՝ կարևորելով հետագա համագործակցության կայացումը նաև մշակույթի տարբեր ոլորտներում:
Հյուրերը ներկայացրել են իրենց գործունեության շրջանակում մշակույթի ոլորտում իրականացվող ծրագրերը. նախանշվել են համագործակցության նոր հնարավորություններ:
Հանդիպման ընթացքում անդրադարձ է եղել ընթացիկ այլ հարցերի և համատեղ ծրագրերի:
Նշենք նաև, որ սեպտեմբերի 11-ին Կինոյի տանը կայացել է Սերգեյ Փարաջանովի 100-ամյակին նվիրված հոբելյանական միջոցառումների շրջանակում նկարահանված «Ավետարան ըստ Փարաջանովի» վավերագրական ֆիլմի շնորհանդեսը:
