13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
ՌԴ Քննչական կոմիտեն նոր գործ է հարուցել ՊՆ պաշտոնյաների դեմ
Քաղաքականություն
16.09.2024 | 22:44
ՌԴ Քննչական կոմիտեն կոռուպցիայի կասկածանքով հետաքննություն է անցկացնում երկրի Պաշտպանության նախարարության հերթական պաշտոնյաների նկատմամբ, գրում է DW-ի ռուսական ծառայությունը։
ՊՆ 4924-րդ ռազմական ներկայացուցչության ղեկավար Իվան Պոպուլովսկու և նրա ենթակա Գրիգորի Զորինի նկատմամբ քրեական գործ է հարուցվել։ Պաշտոնյաներին մեղադրանք է առաջադրվել առանձնապես խոշոր չափերով կաշառք ստանալու համար, ասվում է հաղորդագրության մեջ։
Ըստ հետաքննության՝ ՊՆ կարիքների համար էլեկտրական արտադրանքի և մալուխների մատակարարման պետական պատվեր կատարող երկու կազմակերպություններ հանցավոր համաձայնության են եկել գերատեսչության պաշտոնյաների հետ՝ արտադրանքի վերահսկողությունը թուլացնելու և կաշառքի դիմաց այլ արտոնություններ ստանալու նպատակով։ Խոսքը մալուխային արտադրանքի համառուսաստանյան գիտահետազոտական նախագծման ինստիտուտի և մալուխային արդյունաբերության համառուսական գիտահետազոտական նախագծման և տեխնոլոգիական ինստիտուտի կողմից պաշտպանական պատվերների կատարման մասին է: Պայմանագրերի ընդհանուր գումարը կազմել է 1,2 մլրդ ռուբլի։
Ավելին, 2021 թվականից մինչև 2024-ն ընկած ժամանակահատվածում Պոպուլովսկին և Զորինը մատակարարներից կաշառք են ստացել ավելի քան 11 միլիոն ռուբլու չափով։ Նրանք ընդունել են իրենց մեղքը, պնդում է Քննչական կոմիտեն։
«Նրանց առնչությունը նմանատիպ այլ հանցագործություններին, այդ թվում՝ պետական պաշտպանության պատվերի կարիքների համար հատկացված միջոցների հափշտակությանը, ստուգվում է»,- ասվում է հաղորդագրության մեջ։
