14.12.2025 | 14:02
Մառախուղ, քամու ուժգնացում․ օդի ջերմաստիճանը կնվազի
Շվեդիան կղեկավարի ՆԱՏՕ-ի ռազմաբազան Ֆինլանդիայում
Քաղաքականություն
16.09.2024 | 22:59
Ֆիննական Լապլանդիայում ՆԱՏՕ-ի ռազմաբազան կգտնվի շվեդական հրամանատարության տակ, հայտնում է SvD պարբերականը՝ հղում անելով իր աղբյուրներին։ Նրանցից մեկի համաձայն՝ դա արվել է, որպեսզի «ֆինները կարողանան ավելի շատ կենտրոնանալ հարավային հատվածների պաշտպանության վրա»։
ՆԱՏՕ-ի լրացուցիչ ուժերի՝ Լապլանդիա տեղափոխման մասին հայտնի դարձավ հուլիսին։ Բազայում կտեղակայվեն առաջատար ցամաքային ուժերը (FLF), որոնք գործում են ՆԱՏՕ-ի ծրագրի շրջանակում, որը նախատեսված է Արևելյան Եվրոպայում դաշինքի դիրքերն ամրապնդելու համար: Ենթադրվում է, որ բազայի անձնակազմը հիմնականում բաղկացած կլինի շվեդներից, այնտեղ կարող են ուղարկվել 20-ից 50 շվեդ սպաներ։
Լապլանդիան արևելքում սահմանակից է Մուրմանսկի մարզին և Կարելիային։ 2022 թվականի մայիսին Ֆինլանդիան և Շվեդիան դիմեցին ՆԱՏՕ-ին անդամակցության համար՝ Ուկրաինայում ռուսական ռազմական գործողության ֆոնին։
Ֆինլանդիան դաշինքի անդամ է դարձել 2023 թվականի ապրիլի 4-ին, Շվեդիան՝ 2024-ի մարտի 7-ին։ Հուլիսյան գագաթնաժողովում ՆԱՏՕ-ի երկրները եզրափակիչ հռչակագրում Ռուսաստանն անվանեցին «ամենանշանակալի և ուղիղ սպառնալիք»:
