04.04.2026 | 20:03
ՃՏՊ՝ հրդեհի բռնկմամբ
ԱՄՆ-ում Boeing-ի աշխատակիցները 2008 թվականից ի վեր առաջին անգամ գործադուլ են անում
Քաղաքականություն
13.09.2024 | 23:00
Երեկ՝ սեպտեմբերի 12-ին, Վաշինգտոնում և Օրեգոնում գտնվող Boeing-ի գործարանների աշխատակիցները քվեարկել են ընկերության պայմանները մերժելու և այսօրվանից գործադուլ սկսելու օգտին։ Սա Boeing-ի աշխատակիցների առաջին գործադուլն է 2008 թվականից ի վեր։ Ակցիայի մասնակից գործարաններում են արտադրում Boeing 737 MAX-ը՝ ընկերության ամենավաճառվող ինքնաթիռը, գրում է Reuters-ը:
Կիրակի օրը՝ սեպտեմբերի 8-ին, Boeing-ը «Մեքենաշինության և ավիացիոն արդյունաբերության աշխատողների միջազգային ասոցիացիայի հետ», որը ներկայացնում է այս նահանգներում ավելի քան 33 հազար ընկերությունների աշխատակիցների շահերը, պայմանավորվել է աշխատավարձի 25 տոկոս աճի շուրջ։ Համաձայնագիրը պետք է հաստատվեր արհմիության անդամների կողմից, և երեկ աշխատողների 96%-ը համարել է, որ առաջարկը բավարար չէ:
TD Cowen-ը գնահատում է, որ 50-օրյա գործադուլի հետևանքով Boeing-ը կկորցնի 3-3,5 մլրդ դոլար 2008-ին Boeing-ի աշխատակիցները 52 օր գործադուլ էին անում, և ընկերությունը օրական կորցնում էր մոտ 100 միլիոն դոլար: Գործադուլը կարող է նաև «ապակայունացնել մատակարարների աշխատանքը և մատակարարման շղթաները», ասել է Jefferies ընկերության օդատիեզերական հարցերով վերլուծաբան Շեյլա Քահյաօղլուն:
