09.09.2026 | 17:23
ԱՄՆ-ն չինական ընկերություններին մեղադրել է ամերիկյան արհեստական բանականության տեխնոլոգիաները պատճենելու մեջ
Պեսկովն արձագանքել է Ղրիմն Ուկրաինային պատկանելու մասին Էրդողանի հայտարարությանը
Քաղաքականություն
13.09.2024 | 18:07
«Ղրիմի կարգավիճակի հարցը մնում է Մոսկվայի և Անկարայի տարաձայնությունների թվում, սակայն Ռուսաստանն ամեն ինչ անում է իր թուրք ընկերներին իր դիրքորոշման ճշմարտացիության մեջ համոզելու համար»,- այս մասին ճեպազրույցում հայտարարել է ՌԴ նախագահի մամուլի խոսնակ Դմիտրի Պեսկովը՝ մեկնաբանելով Թուրքիայի նախագահ Ռեջեփ Թայիփ Էրդողանի՝ Ղրիմն Ուկրաինային պատկանելու մասին հայտարարությունը, գրում է ՏԱՍՍ-ը։
«Այս թեման վերաբերում է տարաձայնությունների կատերգորիային, որոնք կան մեր ու մեր թուրք ընկերների միջև։ Մենք չենք հրաժարվում մեր նպատակաուղղված փորձերից՝ շարունակելու մեր տեսակետը մեր թուրք ընկերներին և գործընկերներին բացատրել։ Հուսով ենք, որ ժամանակի ընթացքում, դա թույլ կտա Անկարային ավելի լավ մեզ հասկանալ ու համաձայնել մեր փաստարկների հետ»,-ասել է Պեսկովը՝ նշելով, որ շարունակում են զարգացնել Թուրքիայի հետ գործընկերային հարաբերությունները։
Հիշեցնենք, որ Թուրքիայի նախագահ Ռեջեփ Թայիփ Էրդողանը Ղրիմի պլատֆորմի 4-րդ գագաթնաժողովի մասնակիցներին ուղղված տեսաուղերձում հայտարարել էր, որ Անկարայի աջակցությունն Ուկրաինայի տարածքային ամբողջականությանը, ինքնիշխանությանը և անկախությանը մնում է անփոփոխ։ Նա ընդգծել էր, որ Ղրիմի վերադարձն Ուկրաինային միջազգային իրավունքի պահանջն է։
