Քաղաքականություն
09.09.2024 | 22:08
Կրեմլը լսում է եվրոպական երկրների հայտարարությունները ուկրաինական հակամարտության կարգավորման անհրաժեշտության մասին, սակայն ԱՄՆ-ից դեռ ոչինչ չի լսել: Կոմերսանտի փոխանցմամբ՝ այս մասին ասել է ՌԴ նախագահի խոսնակ Դմիտրի Պեսկովը։
Նա հավելել է, որ խաղաղ կարգավորման նախադրյալներ դեռևս չի տեսնում։
«Ինչ վերաբերում է ուկրաինական հակամարտությունը խաղաղ ճանապարհով լուծելուն, ապա առայժմ որևէ ուրվագծեր իրականում հնարավոր չէ գտնել։ Մենք լսում ենք տարբեր հայտարարություններ եվրոպական երկրներից, բայց մենք չենք տեսնում հայտարարություններ այս հարցի վերաբերյալ այն երկրի կողմից, որը կազմակերպում է այս ամբողջ գործընթացը, կազմակերպում է հավաքական Արևմուտքը»,- ասել է Կրեմլի ներկայացուցիչը։
Գերմանիայի կանցլեր Օլաֆ Շոլցը նախօրեին հայտարարել էր, որ անհրաժեշտ է սկսել Ուկրաինայում ռազմական հակամարտությունը հնարավորինս արագ դադարեցնելու շուրջ քննարկումները։ Ըստ La Repubblica-ի՝ Շոլցը պատրաստում է իր խաղաղության ծրագիրը, որը չի բացառում ուկրաինական տարածքների մի մասի փոխանցումը Ռուսաստանին։
