02.06.2026 | 12:47
Արման Ծառուկյանը հայտնել է՝ երբ է անցկացնելու հաջորդ մենամարտը UFC-ում
Չինաստանն ու ՌԴ-ն համատեղ զորավարժություններ կանցկացնեն մինչև սեպտեմբերի վերջ
Քաղաքականություն
09.09.2024 | 23:00
Չինաստանը հայտարարել է այս ամիս Ռուսաստանի հետ «North-Joint 2024» համատեղ զորավարժություններ անցկացնելու մասին։ Դրանց նպատակն է լինելու «խորացնել ռազմավարական համագործակցությունը» երկու երկրների զինվորականների միջև և ամրապնդել «անվտանգության սպառնալիքների դեմ համատեղ պայքարելու» կարողությունը, հայտնել է Չինաստանի Պաշտպանության նախարարությունը, գրում է DW-ի ռուսական ծառայությունը։
Նշվում է, որ երկու երկրների ռազմածովային ուժերը և ռազմական ավիացիան կմասնակցեն զորավարժություններին ՌԴ ափերի մոտ՝ Ճապոնական և Օխոտի ծովերում։ Դրանց շրջանակներում համատեղ ծովային պարեկություն կուղարկվի «Խաղաղ օվկիանոսի զգալի ծովային տարածքներ»։
Բացի այդ, ՉԺՀ-ն կմասնակցի ռուսական «Օվկիանոս-2024» ռազմավարական զորավարժություններին, նշվում է հաղորդագրության մեջ։ Այս վարժանքների ստույգ ամսաթիվը հայտնի չէ։
Ուկրաինայի դեմ շարունակվող պատերազմի ֆոնին Ռուսաստանն ու Չինաստանն ամրապնդում են տնտեսական, դիվանագիտական ու պաշտպանական համագործակցությունը և հայտարարում «անսահման» գործընկերության և համախմբվածության մասին՝ ի դեմ Արևմուտքի:
ՆԱՏՕ-ն, ինչպես նաև ԱՄՆ-ը և այլ երկրներ քննադատում են Չինաստանի ղեկավարությանն Ուկրաինայի դեմ ռուսական ռազմական ագրեսիային աջակցելու համար։ Պեկինը պատասխանել է՝ կոչ անելով Հյուսիսատլանտյան դաշինքին «առճակատում չհրահրել»:
