16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Գագիկ Ծառուկյանի որևէ օբյեկտում գործողություն չի իրականացվել. Դավիթ Անանյանը հերքեց տեղեկությունը
Տնտեսություն
10.09.2018 | 12:23
Գագիկ Ծառուկյանին պատկանող որևէ բիզնեսում որևէ գործողություն չի իրականացվել. այս մասին այսօր՝ սեպտեմբերի 10-ին հրավիրած ասուլիսում լրագրողի հարցին ի պատասխան՝ հայտարարեց ՀՀ պետեկամուտների կոմիտեի (ՊԵԿ) նախագահ Դավիթ Անանյանը:
Նշենք, որ մամուլում լուրեր էին հրապարակվել, որ օրերս ՊԵԿ աշխատակիցները «սև դիմակներով ներխուժել են ԲՀԿ նախագահ Գագիկ Ծառուկյանին պատկանող գազալցակայանի տարածք և ինչ-որ հաշվապահական փաստաթղթեր պահանջել, իսկ դրանք ստանալուց հետո հեռացել են»:
«ՊԵԿ-ը չունի դիմակավորված անձնակազմ: ՊԵԿ-ն ունի հատուկ բաժին, որի աշխատակիցները դիմակավորված չեն, բայց ունեն համազգեստ: Ասեմ ավելին, այդ անձինք իրենց գործողություններն իրականացնելիս գնում են գրեթե առանց զենքի»,- հավելեց Դավիթ Անանյանը:
ՊԵԿ ղեկավարը չհերքեց, որ նախկինում, այնուամենայնիվ, գործարար պատգամավորի բիզնեսին առնչվող գործողություններ եղել են. «Նախկինում, այո՛, որոշակի գործողություններ իրականացվել են: Դրանք առնչվել են գազալցակայաններին: Մենք, ընդհանուր առմամբ, 190 գազալցակայաններում գործողություններ ենք կատարել վերջին 4 ամսվա ընթացքում, որոնցից 110-ում խախտումներ ենք արձանագրել»:
